ഹരിതചിന്ത

കാര്യം പറഞ്ഞവന് കഞ്ഞിയില്ല.....

2012-01-02T20:14:00.000+05:30

മുല്ലപ്പെരിയാര്‍ ഡാം സംബന്ധിച്ച് തൃത്താല എം എല്‍ എ ശ്രീ വിടി ബല്‍റാം ഫേസ് ബുക്കില്‍ എഴുതിയ അഭിപ്രായം ഇപ്പോള്‍ വിവാദമായിരിയ്ക്കുകയാണ്. പണ്ട് മരുമക്കത്തായ കാലഘട്ടത്തില്‍ അമ്മാവന്റെ മുഖത്ത് നോക്കി വല്ലതും പറഞ്ഞുപോയാല്‍ ഇവനിന്ന് കഞ്ഞി കൊടുക്കരുതെന്ന് അമ്മാവന്‍ പ്രഖ്യാപിയ്ക്കും. പ്രിയപ്പെട്ടവരേ നിലവിലുള്ള അപകടകരമായ ഡാം പൊളിച്ചുകളയണം എന്ന് പറഞ്ഞ ശ്രീ വിടി ബല്‍റാം മഹത്തായ ഒരു സത്യം തുറന്നുപറയാന്‍ ധൈര്യം കാണിച്ച ജനപ്രതിനിധിയാണ്. മറ്റുള്ളവര്‍ പറയാന്‍ അറച്ചുനിന്ന കാര്യം ഇദ്ദേഹം ധൈര്യസമേതം പറഞ്ഞിരിയ്ക്കുന്നു. നാളെ മറ്റുള്ള ജനപ്രതിനിധികളും ബല്‍റാം പറഞ്ഞതിനൊപ്പം വരും .മുല്ലപ്പെരിയാര്‍ ഡാം എന്ന ജലബോംബ് പൊളിച്ച് ദൂരെ എറിയുന്ന ഒരു പ്രഭാതത്തിനായി നമുക്ക് കാത്തിരിയ്ക്കാം....

( എം എല്‍ എ ബല്‍റാമിന്റെ കുറിപ്പ് )

പുതിയ ഡാം പണിയുന്നതിന്റെ പ്രായോഗികതയുടെ കാര്യത്തില്‍ എനിക്ക് സംശയമുണ്ട്. അതിനാല്‍ നിലനില്‍ക്കുന്ന ഡാം ഡീക്കമ്മീഷന്‍ ചെയ്യുന്നതിനാണ് ഇപ്പോള്‍ അടിയന്തിരപ്രാധാന്യം നല്‍കേണ്ടത്. ഇപ്പോള്‍ മുല്ലപ്പെരിയാര്‍ ഡാം ജലം സംഭരിക്കുന്ന ഡാം ആണ്. ഇതിനെ ഒരു ജലം തിരിച്ചുവിടുന്ന ഡാമാക്കി മാറ്റി റിസര്‍വ്വോയറില്‍ നിന്ന് കൂടുതല്‍ വെള്ളം എടുക്കാന്‍ തമിഴ്നാടിനെ അനുവദിക്കുകയും കൂടുതലായുള്ള വെള്ളം അവരുടെ സ്ഥലത്ത് അണക്കെട്ട്നിര്‍മ്മിച്ച് സംഭരിക്കാനുള്ള സംവിധാനങ്ങളൊരുക്കാന്‍ അനുവദിക്കുകയും ചെയ്യണം'

dam photo from - http://en.wikipedia.org/wiki/Mullaperiyar_Dam

കാട് നിലനിര്‍ത്തിയവര്‍

2011-11-13T13:36:00.000+05:30

ആരോഗ്യകരമായ ഒരു ഭൂമുഖം വേണമെങ്കില്‍ അവിടെ മൂന്നില്‍ ഒരു ഭാഗം കാട് ആയിരിയ്ക്കണമെന്നാണ് പറയുന്നത്. ഇക്കാര്യം അറിയാമായിരുന്ന നമ്മുടെ പൂര്‍വ്വികര്‍ കൃഷിയിടങ്ങള്‍ വര്‍ദ്ധിച്ചപ്പോഴും ഭൂമിയുടെ കുറച്ചുഭാഗം കാടാക്കി നിലനിര്‍ത്തിയിരുന്നു.അതില്‍ കാവുകളും വന്യമായ പ്രദേശങ്ങളും ഉള്‍പ്പെടും.

ഇക്കാര്യത്തില്‍ നല്ലൊരുദാഹരണം എനിയ്ക്ക് കാട്ടിത്തരാന്‍ കഴിയും . കൂറ്റനാട് കോമംഗലത്ത് മങ്ങാട്ട് ഉണ്ണിയേട്ടന്റെ ( ഇ എം ഉണ്ണികൃഷ്ണന്‍ ) പുരയിടമാണ് അത് നെല്‍വയലും തോട്ടവുമെല്ലാമായി ആറ് ഏക്കറോളം ഭൂമിയുള്ള ഉണ്ണിയേട്ടന്റെ തറവാട് വീട് നില്‍ക്കുന്ന വളപ്പില്‍ വലിയൊരു ഭാഗം കാടായി നിലനിര്‍ത്തിയിരിയ്ക്കുന്നു.വലിയ വൃക്ഷങ്ങളും വള്ളിപ്പടര്‍പ്പുകളും ഉള്ള ഇവിടം നെല്‍കൃഷി വേളയില്‍ പച്ചില വളം ശേഖരിയ്ക്കുന്നതിനായി വര്‍ഷങ്ങളോളമായി സംരക്ഷിയ്ക്കപ്പെട്ടിരിയ്ക്കുന്നു.
നല്ലൊരു കൃഷിക്കാരനും സഹൃദയനുമായ ഉണ്ണിയേട്ടനാണ് ഇപ്പോള്‍ തറവാട് വീട്ടില്‍ താമസിച്ചുവരുന്നത്. അദ്ദേഹം ഈ കാട് സംരക്ഷിച്ചുനിര്‍ത്തുന്നു.

ചിത്രങ്ങള്‍ വലുതായി കാണുന്നതിന് ഇവിടെ അമര്‍ത്തുക – ഗ്രീന്‍ ഫോട്ടോ‌

മര എഞ്ചിനീയര്‍

2011-07-25T22:16:00.009+05:30

പ്രകൃതി സംരക്ഷണം സംബന്ധിച്ച് സ്കൂള്‍കുട്ടികള്‍ക്കിടയില്‍ വര്‍ഷങ്ങളോളം അവബോധക്ലാസ്സുകള്‍ നടത്താന്‍ എനിയ്ക്ക് അവസരം കിട്ടിയിട്ടുണ്ട് . ആയതില്‍ നിന്നും ഞാന്‍ കണ്ടെത്തിയ ഒരു കാര്യം ഇതാണ്, ഒരു സ്കൂള്‍ കുട്ടി 7 -8-9 ക്ലാസ്സുകളില്‍ പഠിയ്ക്കുന്ന അവസരത്തില്‍ പ്രകൃതിപഠന ക്ലാസ്സുകളില്‍ സജീവമായിരിയ്ക്കും.ചോദ്യങ്ങളും സംശയങ്ങളും അന്വേഷണങ്ങളുമായി ക്യാമ്പുകളിലും ക്ലാസ്സുകളിലും തിളങ്ങുന്ന അവരില്‍ നാം ഭാവിയിലെ ഒരു തികഞ്ഞ പ്രകൃതിസ്നേഹിയെ / പരിസ്ഥിതി പ്രവര്‍ത്തകനെ കാണും . എന്നാല്‍ പത്താം ക്ലാസ്സില്‍ എത്തിയാല്‍ നമുക്കവനെ പരിസ്ഥിതി ക്ലാസ്സില്‍ കാണാന്‍ കഴിയില്ല . കാരണം പത്താം ക്ലാസ്സില്‍ കൂടുതല്‍ പഠിയ്ക്കാന്‍ ഉണ്ടാകും....... 11-12 ക്ലാസ്സുകളില്‍ എന്‍ട്രന്‍സ് കോച്ചിംഗ് കൂടി ഉള്ളതിനാല്‍ അവനെ ഒന്നിനും പ്രതീക്ഷിയ്ക്കേണ്ടതില്ല.
അതും കഴിഞ്ഞ് ഏതെങ്കിലും സ്വാശ്രയ എഞ്ചിനീയറിംഗ് കോളേജില്‍ ചേര്‍ന്ന അവനോട് മരം,പ്രകൃതി,പരിസ്ഥിതി എന്ന് വല്ലതും പറഞ്ഞുപോയാല്‍ ........

എന്നാല്‍ ഇവിടെ എന്റെ കണക്കുകൂട്ടലുകള്‍ എല്ലാം തെറ്റിച്ചുകൊണ്ട് ഒരു എഞ്ചിനീയറിങ്ങുകാരന്‍ മരം നടാനും മറ്റും വരുന്നുണ്ട്.... ജിതിന്‍ , എഞ്ചിനീയറിംഗ് ഏഴാം സെമസ്റ്ററുകാരനാണ്.പരീക്ഷ പടിവാതിലില്‍ അല്ലെങ്കില്‍ ഇയാള്‍ മരസംരക്ഷണം സംബന്ധിച്ച എല്ലാ പരിപാടിയ്ക്കും വരും

കൂറ്റനാട്ടെ മരം നടല്‍ സംഘമായ ജനകീയ കൂട്ടായ്മയുടെ ആരംഭകാലം മുതല്‍ കൂടെയുള്ള ജിതിന്‍ നല്ലൊരു പ്രകൃതി സ്നേഹിയും നല്ലൊരു നാളെയുടെ വാഗ് ദാനവുമാണ്.

ജിതിന്‍ പാലക്കാട് - ഗുരുവായൂര്‍ റോഡിലെ മര ആര്‍ച്ചിന് അടിയില്‍

ജിതിന്‍ റോഡരുകില്‍ പപ്പായ വിത്ത് വിതയ്ക്കുന്നു.

posted by

shinojacob shino jacob SHINOJACOB SHINO JACOB

ഗള്‍ഫുകാരന്റെ വീട്

2011-07-05T23:51:00.005+05:30

ഗള്‍ഫില്‍പോയി നാലുകാശ് സമ്പാദിച്ചാല്‍ , ചെറുപ്പക്കാരുടെയൊക്കെ അടുത്ത പരിപാടി ഗള്‍ഫിന്റെ പത്രാസുകാണിയ്ക്കുന്ന ഒരു വീട് നിര്‍മ്മിയ്ക്കുക എന്നതാണ്. അതിന്റെ ആദ്യപടി പത്ത് സെന്റ് സ്ഥലം വാങ്ങലും .സ്ഥലം വാങ്ങിയാല്‍ ആയതില്‍ ഒരു പുല്‍നാമ്പുപോലും നിലനിര്‍ത്താതെ ജെ സി ബി കയറ്റി നിരത്തും .പായലും പൂപ്പലും പിടിയ്ക്കാത്ത വീടിന്റെ മുറ്റംപോലും ടൈല്‍സി വിരിച്ച് പെയിന്റടിയ്ക്കും.അതായത് ഇവര്‍ ജോലി ചെയ്യുന്ന ഗള്‍ഫ് മരുഭൂമിപോലെ പത്തുസെന്റില്‍ ഒരു മരുഭൂമി സൃഷ്ടിയ്ക്കും. ഒരു മരത്തൈ പോലും മുറ്റത്തോ പറമ്പിലോ വളരാന്‍ അനുവദിയ്ക്കില്ല .

എന്നാല്‍ ഞാന്‍ കണ്ട ഒരു ഗള്‍ഫുകാരന്‍ ഇങ്ങനെയായിരുന്നില്ല, തന്റെ വീടിനു മുന്നില്‍ പടുകൂറ്റന്‍ മാവ് വളര്‍ത്തിയിരിയ്ക്കുന്നു.കാരണം ഓക്സിജന്‍ കിട്ടാനാണത്രേ... വീടിനു പിന്നില്‍ വളര്‍ന്നുനിന്ന ഉറുമാംപഴത്തിന്റെ മരം വീട് വലുതാക്കിയപ്പോള്‍ വെട്ടിക്കളയാന്‍ മനസ്സുവരാത്തതിനാല്‍ അത് ഇപ്പോള്‍ വീടിനകത്താണ്. സ്വന്തമായി വാങ്ങിയ ഒരേക്കര്‍ പറമ്പില്‍ നിരവധി ഇനം വൃക്ഷത്തൈകള്‍ നടാനുള്ള ശ്രമത്തിലുമാണിദ്ധേഹം.

ഞാന്‍ കണ്ടിട്ടുള്ള ഗള്‍ഫുകാരില്‍ മണ്ണിന്റെ മണമുള്ള ഒരാള്‍... പി എം അബ്ദുള്ള ,പാലക്കാട് ജില്ലയില്‍ ചാലിശ്ശേരിയില്‍ ആണ് വീട്.

പ്രിയപ്പെട്ട ഗള്‍ഫുകാരേ, നിങ്ങള്‍ നിത്യവും കാണുന്നത് മരുഭൂമിയാണ് , അത് മനുഷ്യജീവിതത്തിന് അത്ര യോജിച്ച സ്ഥലമല്ല .മനുഷ്യന്‍ എന്ന ജീവിയ്ക്ക് തണലും തണുപ്പും ഉള്ള ഇടങ്ങളാണ് നല്ലത് ..... ആയതിനാന്‍ നിങ്ങള്‍ തണലും തണുപ്പും ഉള്ള നല്ലൊരു നാട് സ്വപ്നം കാണൂ....

posted by

shinojacob koottanad shino jacob SHINOJACOB SHINO JACOB KOOTTANAD

ഞാന്‍ മരിയ്ക്കില്ല....

2011-07-03T21:30:00.009+05:30

തനിയ്ക്കേല്‍ക്കുന്ന ക്ഷതങ്ങള്‍ ഏതുവിധേനയെങ്കിലും പരിഹരിയ്ക്കുക എന്നത് പ്രകൃതി തുടര്‍ന്നുവരുന്ന ഒരു നയമാണ്. ആയതിന്റെ വളരെ നിര്‍മ്മലമായ ഒരു ഉദാഹരണം നേരില്‍ കണ്ടത് വളരെ വലിയൊരു ഷോക്കിങ്ങ് അനുഭവമായി.

അതായത് കൂറ്റനാട് സെന്ററില്‍ പ്രവര്‍ത്തിയ്ക്കന്ന വന്‍ മരമില്ലിന്റെ കോമ്പൌണ്ടില്‍ അട്ടിയിട്ടിരിയ്ക്കുന്ന കൂറ്റന്‍ മരത്തടികളില്‍ കണ്ണോടിച്ചപ്പോള്‍ തുണ്ടം തുണ്ടമായി മുറിച്ചിട്ടിരിയ്ക്കുന്ന ഒരു വലിയ മഹാഗണി മരത്തിന്റെ തായ്ത്തടിയില്‍ നിന്നും ഇലകള്‍ വളര്‍ന്നുതുടങ്ങിയിരിയ്ക്കുന്നു. അത് വീണ്ടും ഒരു മരമായി മാറാന്‍ ശ്രമിയ്ക്കുകയാണ്....

കാലങ്ങള്‍ക്കുമുന്‍പേ മുറിച്ചുവീഴ്ത്തത്തപ്പെട്ട ആ മരത്തിന്റെ ഉള്ളില്‍ എവിടെയോ ഒളിച്ചിരുന്ന ജീവന്‍ പ്രകൃതിയുടെ കരസ്പര്‍ശത്താല്‍ ഇലകളായി പുറത്തുവന്നിരിയ്ക്കുന്നു.മനുഷ്യന്‍ എത്ര നശിപ്പിച്ചാലും ജീവന്റെ അവസാന നാളം പോലും കെടാതെ സൂക്ഷിയ്ക്കാന്‍ പ്രകൃതി ശ്രമിയ്ക്കുന്നതിന്റെ ഉത്തമ ഉദാഹരണമായിരുന്നു ഇത്.

ഈ ഭൂമി എന്ന ഗ്രഹത്തില്‍ ജീവന്റെ തുടര്‍ച്ച നിലനിര്‍ത്താന്‍ അവസാന ശ്വാസംവരെയും പ്രതീക്ഷ കൈവിടാതെ നമ്മുടെ പ്രകൃതി പരിശ്രമിയ്ക്കുമ്പോള്‍ ജ്ഞാനിയായ മനുഷ്യന്‍ ചെയ്യുന്നതെന്ത്? ?????

posted by

shinojacob shino jacob SHINOJACOB SHINO JACOB

റബ്ബറേ നന്ദി...

2011-06-16T22:14:00.005+05:30

റബ്ബറേ.... ആമസോണിന്റെ കരയുന്ന മരമേ മദ്ധതിരുവിതാംകൂറുകാരന്റെയും ഇപ്പോള്‍ കേരളം എന്ന റബ്ബറളത്തിന്റേയും ആശ്രയമേ നിനക്ക് നന്ദി... ഒരു കാലത്ത് ഏകവിളത്തോട്ടം എന്ന കാരണത്താല്‍ സസ്യവൈവിധ്യം ഇല്ലെന്ന കുററം റബ്ബര്‍ത്തോട്ടങ്ങള്‍ക്കുമേല്‍ ചുമത്തിയെങ്കിലും , റബ്ബര്‍ത്തോട്ടങ്ങള്‍ ചെയ്ത മഹത്തായൊരു കാര്യം ചരിത്രത്തില്‍ രേഖപ്പെടുത്തപ്പെടും. അതായത് നാട്ടിലെ മറ്റേതൊരു ഭൂമിയും തുണ്ടുകളായി മുറിഞ്ഞ് കോണ്‍ക്രീറ്റ് കെട്ടിടങ്ങളാല്‍ നിറഞ്ഞപ്പോള്‍ റബ്ബര്‍ മരങ്ങള്‍ പാലുതന്നു പോറ്റുന്നു എന്ന കാരണത്താല്‍ ആ ഭൂമികള്‍ വന്യമായി സംരക്ഷിയ്ക്കപ്പെട്ടു.വന്യം എന്നുപറഞ്ഞാല്‍ ദിവസത്തില്‍ കേവലം രണ്ടുമനുഷ്യന്‍മാര്‍ മാത്രം സഞ്ചരിയ്ക്കുന്ന ( ടാപ്പിങ്ങുകാരനും പാലെടുക്കുന്ന ആളും ) മറ്റു സമയങ്ങളില്‍ ഇതര ജീവജാലങ്ങള്‍ പെരുമാറുന്ന ഭൂമിയായി മാറ്റപ്പെട്ടു. നാട്ടിലെ കുന്നുകളെല്ലാം ഇടിച്ചുനിരത്തപ്പെട്ടപ്പോള്‍ റബ്ബര്‍ മരങ്ങള്‍ കവചമായി നിന്ന കുന്നുകള്‍ സംരക്ഷിയ്കപ്പെട്ടു. അതായത് റബ്ബര്‍ കുന്നുകളെ സംരക്ഷിച്ചു. യഥാര്‍ത്ഥത്തില്‍ റബ്ബര്‍ത്തോട്ടങ്ങള്‍ ഏകവിളത്തോട്ടങ്ങളായതിനാല്‍ ജൈവ വൈവിധ്യം ഇല്ലാതാകുന്നു എന്നത് ശരി തന്നെ .എന്നാല്‍ റബ്ബര്‍ത്തോട്ടങ്ങളില്‍ ബഹുവിളകള്‍ സാധ്യമാണ് .കൈതച്ചക്ക മുതല്‍ മറ്റനേകം വിളകള്‍ ഇടവിളയായി നട്ട് ഇത് തെളിയിക്കപ്പെട്ടിട്ടുള്ളതാണ് .എന്നാല്‍ റബ്ബര്‍ ബോര്‍ഡ് കൊടുക്കുന്ന നക്കാപ്പിച്ചാ സബ്സിഡിയ്ക്കുവേണ്ടി കര്‍ഷകര്‍ റബ്ബര്‍ത്തോട്ടങ്ങളെ ഏകവിളത്തോട്ടങ്ങളാക്കി നിലനിര്‍ത്തുന്നു. റബ്ബര്‍ത്തോട്ടങ്ങളില്‍ ബഹുവിള നടപ്പാക്കുകയാണെങ്കില്‍ വര്‍ഷത്തില്‍ റബ്ബര്‍ ബോര്‍ഡ് കൊടുക്കുന്ന തുകയുടെ നാലിരട്ടി തുക കര്‍ഷകര്‍ക്ക് ലഭിയ്ക്കും .ബഹുവിളയിലൂടെ റബ്ബര്‍ത്തോട്ടങ്ങള്‍ ലഘുവനത്തിന്റെ ഗുണം നല്‍കുകയും ചെയ്യും . റബ്ബറേ നീ കരയുന്ന മരം മാത്രമല്ല.... , കുന്നുകളുടേയും വന്യതയുടെയും കരച്ചില്‍ മാറ്റിയ മരം കൂടിയാണ്.....

posted by
shinojacob shino jacob SHINO JACOB SHINOJACOB

കുളം കുഴിച്ചവരുണ്ടോ ????

2011-06-11T22:50:00.005+05:30

വാപീ കൂപ തടാഗാനി

ദേവതായ തനാനിച,

അന്നപ്രദാന, മാരാമ:

പൂര്‍ത്തമിത്യ ദിധീയതേ

( കുളം, കിണര്‍,തടാകം

എന്നീ ജലാശയങ്ങളുടെ നിര്‍മ്മാണവും

വനവല്‍ക്കരണവും

അന്നദാനവും

പൂന്തോട്ടനിര്‍മ്മാണവും

സത്കര്‍മ്മങ്ങളില്‍പ്പെടുന്നു )

മേല്‍ക്കൊടുത്ത ശ്ലോകം വായിച്ചപ്പോള്‍ തോന്നിയ ഒരു സംശയം കഴിഞ്ഞ ഒരു അന്‍പതു വര്‍ഷത്തിനുളളില്‍ നമ്മുടെ നാട്ടില്‍ ആരെങ്കിലും കുളം നിര്‍മ്മിച്ചിട്ടുണ്ടോ എന്നതാണ്. എന്റെ നാട്ടില്‍ നിരവധി കുളങ്ങളുണ്ടെങ്കിലും അവയിലൊന്നുപോലും അടുത്തകാലത്ത് നിര്‍മ്മിച്ചവയല്ല. പലതും ഒരു തലമുറയ്ക്കുമുന്‍പേ നിര്‍മ്മിയ്ക്കപ്പെട്ടവയാണ്...

കുളങ്ങള്‍ പൊതു ഇടങ്ങളാണ്, ഏത് പ്രായക്കാര്‍ക്കും സന്തോഷം നല്‍കുന്ന ഒന്നാണ് കുളത്തില്‍ കുളിയ്ക്കുക എന്നത് . കാലപ്രവാഹത്തില്‍ നമ്മുടെ സംസ്കാര,സാമൂഹിക രീതികള്‍ മാറിയതുകൊണ്ടോ, കൃഷി പുറകോട്ടുപോകുന്നത് കൊണ്ടോ ആയിരിയ്ക്കാം ആരും കുളങ്ങള്‍ കുഴിയ്ക്കാത്തത്.

ആധുനിക കാലത്ത് പാറമടകള്‍ ഉപയോഗശേഷം കുളങ്ങള്‍ / ജലാശയങ്ങള്‍ എന്നിവ ആയ വാര്‍ത്തകള്‍ കേട്ടിട്ടുണ്ടെങ്കിലും , ജനകീയാസൂത്രണ / തൊഴിലുറപ്പ് പദ്ധതിക്കാലത്ത് കുളങ്ങള്‍ വൃത്തിയാക്കിയ കണക്കുകളുണ്ടെങ്കിലും പഞ്ചവത്സര പദ്ധതിക്കാലത്ത് വന്‍കിട അണക്കെട്ടുകളും പണംവാരി ജലസേചന പദ്ധകള്‍ നടപ്പാക്കിയിട്ടുണ്ടെങ്കിലും ഞാന്‍ കേട്ടിട്ടില്ലാത്ത ഒന്നാണ് കുളം കുഴിച്ചു എന്നത്.

ആധുനിക സ്വിമ്മിങ്ങ് പൂളുകള്‍ വീടുകളില്‍ കുട്ടികളുടെ ജീവനെടുക്കാന്‍ വേണ്ടുന്ന പൊങ്ങച്ചങ്ങളാകുമ്പോള്‍ , ഉള്ള നാടന്‍ കുളങ്ങള്‍ മണ്ണിട്ടുമൂടി കച്ചവടം ചെയ്യുന്ന വാര്‍ത്തകള്‍ നമ്മുടെ കാതിലെത്തുന്നു.

posted by

shinojacob shino jacob koottanad SHINOJACOB SHINO JACOB KOOTTANAD

മാങ്കോസ്റ്റിന്‍ നട്ടുകൊണ്ട് തുടക്കം

2011-06-05T21:04:00.009+05:30

കഴിഞ്ഞ മൂന്നുവര്‍ഷമായി പൊതുസ്ഥലത്ത് മരങ്ങള്‍വെച്ചുപിടിപ്പിയ്ക്കുക
എന്ന സേവനം ചെയ്തുവരുന്ന കൂറ്റനാട്ടെ ജനകീയ കൂട്ടായ്മയുടെ ഈ വര്‍ഷത്തെ പ്രവര്‍ത്തന ഉദ്ഘാടനം വട്ടേനാട് ഗവണ്‍മെന്റ് എല്‍ പി സ്കൂളില്‍ വെച്ച് നാഗലശ്ശേരി ഗ്രാമപഞ്ചായത്ത് പ്രസിഡന്റ് ശ്രീ കെ പി രാമചന്ദ്രന്‍ മാങ്കോസ്റ്റിന്‍ നട്ടുകൊണ്ട് നിര്‍വ്വഹിച്ചു.

കഴിഞ്ഞ മൂന്നുവര്‍ഷവും നിരവധി വൃക്ഷത്തൈകള്‍ വെച്ചുപിടിപ്പിയ്ക്കുകയും അവയെല്ലാം ഇപ്പോള്‍ വളര്‍ന്നുവലുതാവുകയും ചെയ്തിട്ടുണ്ട് . ഈ വര്‍ഷം 200 വൃക്ഷത്തൈകളാണ് ജനകീയകൂട്ടായ്മ വെച്ചുപിടിപ്പിയ്ക്കുക.

4/06/2011 ന് വട്ടേനാട് ജി എല്‍ പി സ്കൂളില്‍ വെച്ചുനടന്ന ചടങ്ങില്‍ ബി പി ഒ പി രാധാകൃഷ്ണന്‍ , പി ടി എ പ്രസിഡന്റ് കെ അബ്ദുറഹിമാന്‍ , ജനകീയകൂട്ടായ്മ പ്രവര്‍ത്തകരായ ഷണ്‍മുഖന്‍ , ഇ എം ഉണ്ണികൃഷ്ണന്‍ , പി വി ഇബ്രാഹിം , പല്ലീരി സന്തോഷ് , കെവി ജിതിന്‍ , കെവി വിശ്വനാഥന്‍ , ഷിനോജേക്കബ് തുടങ്ങിയവര്‍ പങ്കെടുത്തു .

posted by

shinojacob shino jacob SHINOJACOB SHINO JACOB

ഹത്യയില്‍നിന്നും രക്ഷപ്പെട്ടവള്‍...

2011-05-28T22:35:00.005+05:30

കാലിവളര്‍ത്തല്‍ സ്റ്റാറ്റസ് ഉള്ള പണിയൊന്നുമല്ല. ലാഭം ഇല്ലാതെ ഒരു മൃഗത്തെ വളര്‍ത്തുക എന്നത് ഇക്കാലത്ത് പൊട്ടത്തരം തന്നെയാണ് .കാലം മാറിയാല്‍ എന്താകുമോ എന്തോ.... ഞാന്‍ പരിചയപ്പെട്ട ഒരാള്‍ ഒരു പശുവിനെ വെറുതേ വളര്‍ത്തുന്നു.... തറവാട് ഭാഗം വെയ്ക്കുന്ന സമയത്ത് ആര്‍ക്കും വേണ്ടാതെ അറവുകാരന് കൊടുക്കാന്‍ നിര്‍ത്തിയതായിരുന്നു ആ പശുവിനെ. എന്നാല്‍ ഈ മനുഷ്യന്‍ പശുവിനെ താന്‍ ജോലിചെയ്യുന്ന സ്ഥാപനത്തിലേയ്ക്ക കൊണ്ടുവന്ന് ഇപ്പോഴും പോറ്റിക്കൊണ്ടിരിയ്ക്കുന്നു.

ഞാങ്ങാട്ടിരി മഹര്‍ഷി വിദ്യാലയത്തിന്റെ മേനേജര്‍ ശ്രീ വിനയ്ഗോപാല്‍ജിയാണ് ആ മനുഷ്യന്‍.

കാലം മറുപടി പറയട്ടേ.......

അല്ല പറയുകതന്നെ ചെയ്യും......ലാഭം കിട്ടിയാല്‍ മനുഷ്യനേയും കൊല്ലുന്ന കറുത്തകാലം പോയല്ലേ മതിയാവൂ...

posted by

shinojacob shino jacob koottanad SHINOJACOB SHINO JACOBKOOTTANAD

ഫ്ലെക്സ് ഉപയോഗിയ്ക്കുന്നവരോട്...

2011-05-01T21:41:00.005+05:30

തുണി ബേനറിന് പകരക്കാരനായി എത്തിയ ഫ്ലെക്സ് ബോര്‍ഡുകള്‍ സര്‍വ്വവ്യാപിയായിരിയ്ക്കുകയാണ് .മണ്ണില്‍ ലയിച്ചുചേരാത്ത , പ്ലാസ്റ്റിക്കിന്റെ വകഭേദമായ ഫ്ലെക്സ് ഇക്കാരണത്താല്‍ അനവധി വിമര്‍ശനങ്ങള്‍ ഏറ്റുവാങ്ങിയിട്ടുണ്ട് .എന്നാല്‍ ഫ്ലെക്സ് ബോര്‍ഡുകള്‍ ഉപയോഗിയ്ക്കുന്നതിന്റെ സൌകര്യം നിമിത്തം ജനങ്ങള്‍ ഫ്ലെക്സ് ബോര്‍ഡിനെ കൈവിടുന്നുമില്ല .

ഈ സാഹചര്യത്തില്‍ ഫ്ലെക്സ് ബോര്‍ഡുകള്‍ പുനരുപയോഗിയ്ക്കുക എന്നത് ചിന്തനീയമാണ് .ഇപ്പോള്‍ പലയിടത്തും ആട്ടിന്‍കൂടും കോഴിക്കൂടും മറ്റു ഷെഡുകളും മേയുന്നത് ഫ്ലെക്സ് ബോര്‍ഡുകള്‍ ഉപയോഗിച്ചാണ് .പൊതുപരിപാടികളുടേയും മറ്റും വാര്‍ത്തകള്‍ പ്രസിദ്ധീകരിച്ചിട്ടുള്ള ഫ്ലെക്സ് ബോര്‍ഡുകള്‍ പരിപാടി കഴിഞ്ഞയുടന്‍ പലരും കൈക്കലാക്കി പുനരുപയോഗിയ്ക്കുന്നുണ്ട് .

ആയതിനാല്‍ ഫ്ലെക്സ് ബോര്‍ഡുകള്‍ സ്ഥാപിയ്ക്കുന്നവര്‍ ശ്രദ്ധിയ്ക്കേണ്ട കാര്യം തങ്ങളുടെ ഫ്ലെക്സ് ബോര്‍ഡില്‍ തുളയോ മറ്റുകേടുപാടുകളോ വരുത്താതെ സ്ഥാപിയ്ക്കണമെന്നതാണ് ... കുറഞ്ഞപക്ഷം ആളുകള്‍ വിലകൊടുത്ത് പ്ലാസ്റ്റിക്ക് മേച്ചില്‍ ഷീറ്റുകള്‍ വാങ്ങുന്നത് ഒഴിവാക്കാമല്ലോ.........

posted by

shinojacob shino jacob SHINOJACOB SHINO JACOB

ഖദര്‍ ധരിയ്ക്കുന്നതെന്തിന്...?

2011-04-22T18:07:00.012+05:30

" ചര്‍ക്കയില്‍ നൂല്‍ക്കുന്ന ഓരോ ഇഴയിലും ശാന്തി , സദ്ഭാവന ,സ്നേഹം ഇവ നിറഞ്ഞിരിയ്ക്കുന്നു " മഹാത്മാഗാന്ധി.

ഇന്‍ഡ്യന്‍ സ്വാതന്ത്ര്യ സമരത്തിലെ പ്രധാനപ്പെട്ട ഒരു ആയുധമായിരുന്നു ചര്‍ക്ക .ചര്‍ക്കയില്‍ നൂറ്റ നൂല്‍ കൊണ്ടുള്ള വസ്ത്രം ധരിച്ച് വിദേശകുത്തകകള്‍ക്കെതിരേ ധീരമായി അക്കാലത്ത് പ്രതിരോധം സംഘടിപ്പിച്ചു.
ഇതേ പ്രതിരോധത്തിന് ഇന്നും പ്രസക്തിയുണ്ട് . കേരളത്തിലെ ഗ്രാമീണമേഖലയിലെ സ്ത്രീകള്‍ പണിയെടുക്കുന്ന നെയ്ത്ത് മേഖലയില്‍ ഒരു ചര്‍ക്കത്തൊഴിലാളിയ്ക്ക് 60 രൂപയും ഒരു നെയ്ത്ത് തൊഴിലാളിയ്ക്ക് 75 രൂപയും ശരാശരി ദിവസവേതനം ലഭിയ്ക്കുന്നു .ഇക്കാലത്ത് ചെറുതാണെങ്കിലും ഈ തുകകൊണ്ട് ആയിരക്കണക്കന് ദരിദ്രകുടുംബങ്ങള്‍ ഭക്ഷണം കഴിയ്ക്കുന്നു .
ഒരു ഖദര്‍ വസ്ത്രം നാം വാങ്ങി ധരിയ്ക്കുമ്പോള്‍ അത് ഒരു ചെറിയ കുടുംബത്തിന് കച്ചിത്തുരുമ്പാകുന്നു....
ചിന്തിയ്ക്കൂ,,, നമ്മുടെ പണം ആഗോള ഭീമന്‍ കമ്പനികള്‍ക്ക് ലാഭം ഉണ്ടാക്കിക്കൊടുക്കാനുള്ളതാകണോ...?

(തൃത്താല , മേഴത്തൂരിലെ കോഴിക്കോട് സര്‍വ്വോദയ സംഘം നെയ്ത്തുശാലയില്‍ നിന്നുള്ള ചിത്രങ്ങള്‍.. മേനേജര്‍ - ശിവാനന്ദന്‍ 9744616063 )

posted by,

shinojacob shino jacob SHINOJACOB SHINO JACOB

അണ്ണാറക്കണ്ണനും തന്നാലായത്...

2011-04-20T22:03:00.009+05:30

അണ്ണാറക്കണ്ണനും തന്നാലായത് എന്നത് വെറുമൊരു പഴഞ്ചൊല്ലുമാത്രമല്ല , ഈ കാലഘട്ടത്തിലെ ഏറ്റവും പ്രസക്തമായ ഒരു മുദ്രാവാക്യമായി അത് മാറുകയാണ് .കാരണം വലിയ കാര്യങ്ങള്‍ പോലും ചെറിയ ഒരു തുടക്കംകൊണ്ട് മാത്രം വിജയിപ്പിയ്ക്കാന്‍ കഴിഞ്ഞ മാതൃകകള്‍ നമുക്കുമുന്നിലുണ്ട്. ഇത്തരം ചെറിയ തുടക്കങ്ങളിടാന്‍ നമ്മുടെ യുവതലമുറയായ അണ്ണാറക്കണ്ണന്‍മാര്‍ മുന്നോട്ടുവരേണ്ടതുണ്ട്.

യൂ ട്യൂബില്‍ അടുത്തിടെ കണ്ട ഈ വീഡിയോ നോക്കൂ... നിയമപാലകരും മന്ത്രിയും മുതിര്‍ന്ന തലമുറയുമെല്ലാം നിഷ്ക്രിയരായിരിയ്ക്കുന്ന വേളയില്‍ കേവലം ഒരുകൊച്ചു പയ്യന്‍ വലിയൊരു പ്രവര്‍ത്തനത്തിന് തുടക്കമിടുന്നു , ആയത് ഒരു തിരമാലപോലെ വ്യാപിച്ച് വലിയൊരു പ്രതിസന്ധിയെ നീക്കം ചെയ്യുന്നു .

നമുക്ക് അണ്ണാറക്കണ്ണന്‍മാരായി മാറാം......

click here

posted by ,

shinojacob – shino jacob -SHINOJACOB – SHINO JACOB

വൊഡാഫോണ്‍ മരങ്ങള്‍

2011-04-05T23:07:00.013+05:30

നാലുവരിപ്പാതയിലൂടെ കുതിച്ചുപായുന്ന നമ്മള്‍ റോഡിന്റെ സുഖത്തില്‍ രമിയ്ക്കുമ്പോള്‍ ചുട്ടുപൊള്ളുന്ന വെയില്‍ നമ്മുടെ നെറുകയില്‍ പതിയ്ക്കുന്നത് നാം ശ്രദ്ധിയ്ക്കുന്നില്ല .... അന്‍പത് ഡിഗ്രിയോളം ചൂടില്‍തിളയ്ക്കുന്ന ഈ റോഡിലൂടെ എ സി കാറിലല്ലാതെയുള്ള യാത്ര ദുഷ്കരമാവും.ആരെങ്കിലും നടന്ന് സഞ്ചരിയ്ക്കാന്‍ ശ്രമിച്ചാല്‍ ഒരു കിലോമീറ്റര്‍ ചെല്ലുന്നതിനു മുന്‍പേ അയാള്‍ വെയില്‍കൊണ്ട് കുഴഞ്ഞ് വീണിട്ടുണ്ടാവും.ഇതാണ് കേരളത്തിലെ നിവിലുള്ള ഹൈവേറോഡുകളുടെ അവസ്ഥ .

എന്നാല്‍ കേരളത്തിലുള്ളതിനേക്കാള്‍ മികച്ച റോഡുകള്‍ വര്‍‍ങ്ങള്‍ക്കമുന്‍പേയുള്ള തമിഴ് നാട്ടില്‍ അവര്‍ പാതയോരങ്ങളില്‍ വൃക്ഷങ്ങള്‍ വെച്ചുപിടിപ്പിയ്ക്കുന്നു . മിയ്ക്കവാറും ഇടങ്ങളില്‍ അത് പുളിമരമായിരിയ്ക്കും. അത് തണലും വരുമാനവും നല്‍കുന്നു.

ഇവിടെയാണ് മലയാളിയും തമിഴനും തമ്മിലുള്ള വ്യത്യാസം നമുക്ക് തിരിച്ചറിയാനാവുക. എത്ര വികസിച്ചാലും ഗ്രാമം ( ഇത്തിരി പച്ചപ്പ് ) എന്നത് തമിഴന്‍ മനസ്സില്‍ കൊണ്ട് നടക്കുന്നു. എന്നാല്‍ ഗ്രാമം , മരങ്ങള്‍ എന്നൊക്കെ പറയുന്നത് നിന്ദ്യമായ എന്തോ ഒന്നാണെന്ന് വികസനവാദി മലയാളി കരുതുന്നു.

എന്തൊക്കെയായാലും നമ്മുടെ ഹൈവേകളില്‍ ചിലയിടങ്ങളില്‍ മരങ്ങള്‍ വെച്ചുപിടിപ്പിയ്ക്കാന്‍ നല്ല ചില ശ്രമങ്ങള്‍ നടക്കുന്നുണ്ട് .ആയതില്‍ മലയാളിയ്ക്കുള്ള പങ്ക് എന്തുമാത്രമുണ്ടെന്നതേ നോക്കേണ്ടതുള്ളൂ.... ഇവിടെയിതാ ( എറണാകുളം - ആലുവ നാലുവരിപ്പാത ) ബഹുരാഷ്ട്ര കമ്പനിയായ വൊഡാഫോണ്‍ ആണ് മലയാളിയ്ക്ക് തണലിനായി പണം മുടക്കിയിരിയ്ക്കുന്നത്

posted by shinojacob - shino jacob - SHINOJACOB - SHINO JACOB

തണ്ണീര്‍പ്പന്തല്‍ തിരിച്ചുവരുന്നു..

2011-04-04T22:17:00.010+05:30

പണ്ട് രാജഭരണകാലങ്ങളില്‍ വഴിയോരങ്ങളില്‍ സത്രങ്ങളും തണ്ണീര്‍പ്പന്തലുകളും ഉണ്ടായിരുന്നു .ദൂരയാത്രികര്‍ക്ക് വിശ്രമത്തിനും കുടിവെള്ളത്തിനുമായി രാജാവിന്റെ ചിലവിലായിരുന്നു ഇവ നടത്തപ്പെട്ടിരുന്നത് . എന്നാല്‍ രാജഭരണം പോയി ജനാധിപത്യം വന്നപ്പോള്‍ ഇവയെല്ലാം എടുത്തുമാറ്റപ്പെട്ടു.ഇതിന്റെ ഓര്‍മ്മ ചില റവന്യൂ രേഖകളില്‍ മാത്രമായി ഒതുങ്ങി ( തണ്ണീര്‍പ്പന്തലിന്റേയും മറ്റും ഭൂമി ഇപ്പോഴും റവന്യൂ പുറമ്പോക്കും മറ്റുമായി സംരക്ഷിയ്ക്കപ്പെടുന്നുണ്ട് ) ജനാധിപത്യത്തിന്റെ ഇക്കാലത്ത് വഴിയാത്രക്കാര്‍ക്ക് കുടിവെള്ളവും വിശ്രമസ്ഥലവും വിലകൊടുത്തുവാങ്ങേണ്ട ഒന്നായി മാറി .വേനല്‍ കത്തിക്കാളുന്ന ഇക്കാലത്ത് യാത്രയില്‍ വലിയൊരു തുക കുടിവെള്ളത്തിനായി മാറ്റിവയ്ക്കേണ്ടതായി വരുന്നു കുറച്ചുകാലം മുന്‍പുവരെ ആര്‍ക്കും ഏതൊരു വീട്ടിലും കടയിലും കയറിച്ചെന്ന് കുടിയ്ക്കാന്‍ ഇത്തിരി വെള്ളം ചോദിയ്ക്കാമായിരുന്നു , വെള്ളം കൊടുക്കുന്നവര്‍ക്കും കുടിയ്ക്കുവര്‍ക്കും സന്തോഷം... എന്നാല്‍ കാലം മാറിയതോടെ ഇരുകൂട്ടരും പരസ്പരം സംശയിയ്ക്കാന്‍ തുടങ്ങി ....

എന്നാല്‍ ആധുനികതയുടെ ഇക്കാലത്തും പഴമ മനസ്സില്‍ സൂക്ഷിയ്ക്കുന്ന ചില നല്ല ആളുകള്‍ നമുക്കിടയിലുണ്ട് .... ഇതിന്റെ സൂചനയായി പാലക്കാട് ജില്ലയില്‍ പലഭാഗത്തും തണ്ണീര്‍പ്പന്തലുകള്‍ തലപൊക്കിത്തുടങ്ങി , വഴിയാത്രക്കാര്‍ക്ക് സൌജന്യമായി കുടിവെള്ളം നല്‍കുകയാണ് ഈ തണ്ണീര്‍പ്പന്തലുകളുടെ ലക്ഷ്യം . കേരളത്തില്‍ ഏറ്റവും കൂടിയ ചൂടുള്ള ജില്ലയായ പാലക്കാട് ഇത് ജനങ്ങള്‍ക്ക് വലിയൊരാശ്വാസമാവുകയാണ്

സൂര്യാഘാതവും ഇതുമൂലമുള്ള മരണവും റിപ്പോര്‍ട്ട് ചെയ്യപ്പെടുന്ന ഇക്കാലത്ത് ഇതൊരു മാതൃകയാണ്

2009 ല്‍ കൂറ്റനാട്ട് ആദ്യം തണ്ണീര്‍പ്പന്തല്‍ തുടങ്ങി 2010 ല്‍ ജില്ലയില്‍ പലഭാഗത്തും തണ്ണീര്‍പ്പന്തലുകള്‍ പ്രവര്‍ത്തിച്ചു 2011 ല്‍ കൂറ്റനാട്ടെ ജനകീയ കമ്മറ്റി സംഭാരമാണ് നല്‍കുന്നത്

ഈ മാതൃകാപ്രവര്‍ത്തനം നാടെങ്ങും വ്യാപിയ്ക്കട്ടെ...

ബന്ധങ്ങള്‍ക്ക് - ഷണ്‍മുഖന്‍ ജനകീയ കമ്മറ്റി പ്രവര്‍ത്തകന്‍ 9447241064

Posted by shinojacob shino jacob SHINOJACOB SHINO JACOB

KOOTTANAD koottanad

കാട് വാങ്ങുന്നവര്‍....

2011-03-13T23:22:00.008+05:30

വനവും വന്യജീവി ബാഹുല്യമുള്ള പ്രദേശങ്ങളും സംരക്ഷിയ്ക്കുന്നതിന് , ആ സ്ഥലം വിലകൊടുത്തുവാങ്ങുക എന്നത് നയമാക്കിയ ഒരു സംഘടനയുണ്ട് ... അതാണ് വേള്‍ഡ് ലാന്റ് ട്രസ്റ്റ് . ഇംഗ്ലണ്ടിലെ വെല്‍സ് വര്‍ത്ത് ആസ്ഥാനമാക്കി പ്രവര്‍ത്തിയ്ക്കുന്ന ഈ സംഘടന ഏഷ്യയിലും തെക്കേ അമേരിക്കയിലുമായി നാല് ലക്ഷം ഏക്കര്‍ വനം ഇപ്രകാരം സുരക്ഷിതമാക്കി .

ഡേവിഡ് ആറ്റന്‍ബറോ എന്ന വിശ്വവിഖ്യാതനായ വ്യക്തിയാണ് ഇപ്പോള്‍ ഈ സംഘടനയുടെ പേട്രണ്‍ ആയി പ്രവര്‍ത്തിച്ചുകൊണ്ടിരിയ്ക്കുന്നത്.
ഫിലിപ്പൈന്‍സിലെ സാന്‍ജുഗണ്‍ എന്നൊരു ജൈവസമ്പന്നമായ ഒരു ചെറു ദ്വീപ് ഈ സംഘടന വിലകൊടുത്തുവാങ്ങി സംരക്ഷിച്ചുവരുന്നു. ഇതുപോലെ കോസ്റ്ററിക്കയിലും സംഘടന വലിയൊരു വനപ്രദേശം വിലൊടുത്തുവാങ്ങുകയുണ്ടായി..
ഇന്‍ഡ്യയില്‍ കര്‍ണ്ണാടകയില്‍ കൊല്ലെഗല്‍ എന്ന സ്ഥലത്ത് ആനത്താരയ്ക്കുവേണ്ടിയും സ്ഥലം വിലകൊടുത്തുവാങ്ങുകയുണ്ടായിട്ടുണ്ട്...

വേള്‍ഡ് ലാന്റ് ട്രസ്റ്റിനെക്കുറിച്ച് കൂടുതല്‍ അറിയുന്നതിന് ഇവിടെ അമര്‍ത്തുക....

ഷിനോജേക്കബ് shino jacob

സാന്‍ജുഗണ്‍ ദ്വീപ്

ഡേവിഡ് ആറ്റന്‍ബറോ

ഒരു കര്‍ഷകന്റെ കത്ത്....

2011-03-11T22:25:00.005+05:30

ഡോ. എം.എസ്. സ്വാമിനാഥനൊരു കത്ത്‌

(പ്രകൃതികൃഷിയുടെ വക്താവായ ഭാസ്കര്‍ സാവേ , എം എസ് സ്വാമിനാഥന് എഴുതിയ കത്ത്)

പ്രിയപ്പെട്ട സ്വാമിനാഥന്,

84 വയസ്സുള്ള ഒരു കര്‍ഷകനാണ് ഞാന്‍. നാനാ തരം ഭക്ഷ്യ വിളകള്‍ കൃഷി ചെയ്ത അറുപതു കൊല്ലത്തെ അനുഭവ സമ്പത്ത്‌ എനിക്കുണ്ട്. അമ്പതുകളില്‍ രാസ വള കൃഷി നടത്തിയതടക്കം (അതിന്റെ അപകടം കാണുന്നത് വരെ) പല തരം കൃഷി രീതികള്‍ ഞാന്‍ പരീക്ഷിച്ചിട്ടുണ്ട്. പ്രകൃതിയോട് ഇണങ്ങിയ ജൈവ കൃഷിക്ക് മാത്രമേ ഇന്ത്യയിലെ ജനങ്ങള്‍ക്കാവശ്യമായ, ആരോഗ്യകരമായ ഭക്ഷ്യ വസ്തുക്കള്‍ സുലഭമായി പ്രദാനം ചെയ്യാനാകൂ എന്ന് ഞാന്‍ ഉറച്ചു വിശ്വസിക്കുന്നു. എല്ലാവരുടെയും അടിസ്ഥാനപരമായ എല്ലാ ആവശ്യങ്ങളും നിറവേറ്റാനും അതിനേ കഴിയൂ. ആരോഗ്യത്തോടെ, അന്തസ്സോടെ, സമാധാനപൂര്‍വ്വം ജീവിക്കാന്‍ അതാണ്‌ മാര്‍ഗ്ഗം.

ഡോ. എം. എസ്. സ്വാമിനാഥന്‍,ഇന്ത്യയില്‍ വിഷമയമായ രാസ വസ്തുക്കള്‍ കയറൂരി വിട്ട ഹരിത വിപ്ലവത്തിന്റെ പിതാവായി താങ്കള്‍ ഗണിക്കപ്പെട്ടു വരുന്നു. കഴിഞ്ഞ നാല്‍പ്പതു കൊല്ലമായി ഇന്ത്യയിലെ ലക്ഷോപലക്ഷം കര്‍ഷകരുടെ ജീവിതത്തേയും, കൃഷി ഭൂമിയേയും നശിപ്പിച്ചു കൊണ്ടിരിക്കുന്നത് ഈ രാസ വസ്തുക്കളാണ്. ഇന്ത്യയിലെ മണ്ണിനെ ദയനീയാ വസ്ഥയിലാക്കുകയും കടം കയറി മുടിഞ്ഞ കര്‍ഷകരെ ആത്മഹത്യയിലേക്ക്‌ തള്ളി വിടുകയും ചെയ്തതില്‍ മറ്റാരെക്കാളും ഉത്തരവാദിത്വം താങ്കള്‍ക്കാകുന്നു. ഹരിത വിപ്ലവം യഥാര്‍ഥത്തില്‍ ക്ഷാമം അകറ്റുകയാണോ ഉണ്ടായത്‌?

വളരെ സത്യസന്ധമായി പറയുകയാണെങ്കില്‍ ഹരിത വിപ്ലവം നമ്മുടെ മണ്ണ് നശിപ്പിക്കുകയും ഭൂഗര്‍ഭ ജലം ചോര്‍ത്തുകയും പരിണിത ഫലമായി ഭാവിയില്‍ വ്യാപകമായ തോതില്‍ ക്ഷാമം സൃഷ്ടിക്കുന്ന സ്ഥിതി വരുത്തുകയാണ് ചെയ്തത്. ബംഗാള്‍ ക്ഷാമമടക്കം മനുഷ്യ നിര്‍മ്മിതമായ എല്ലാ ക്ഷാമങ്ങള്‍ക്കും ചില സമയങ്ങളില്‍ നമ്മുടെ രാജ്യത്തിന്റെ ചില പ്രദേശങ്ങള്‍ സാക്ഷിയാകേണ്ടി വന്നിട്ടുണ്ട്. സ്വാതന്ത്ര്യത്തിനു മുമ്പ്, പ്രത്യേകിച്ച് യുദ്ധ സമയങ്ങളിലുണ്ടായ അമിതമായ ചൂഷണമായിരുന്നു അതിനു പ്രധാന കാരണം.

മഹാനായ ബങ്കിംചന്ദ്ര നമ്മുടെ നാടിനെ വിശേഷിപ്പിച്ചത് ‘സുജലം സുഫലം’ എനാണ്. നമ്മുടെ രാജ്യം യഥാര്‍ത്ഥമായും ഫലപുഷ്ടിയേറിയതും സമ്പദ് സമൃദ്ധവുമായിരുന്നു. സമ്പുഷ്ടമായ മനസ്സ്, സുലഭമായ ജലം, മതിയാകോളം വെയില്‍, ഇടതൂര്‍ന്ന കാട്, സമ്പന്നമായ ജൈവ വൈവിധ്യം എന്നിവയെല്ലാം നമുക്കുണ്ടായിരുന്നു. പോരെങ്കില്‍ സംസ്കൃത ചിത്തരായ, സമാധാന പ്രേമികളായ ജനങ്ങളും അവരുടെ കാര്‍ഷികാനുഭവ സമ്പത്തും നമുക്ക് മുതല്‍കൂട്ടായി ഉണ്ടായിരുന്നു. കൃഷി എന്നത് നമ്മുടെ രക്തത്തില്‍ ഇഴുകി ചേര്‍ന്നതാണ്. പക്ഷേ അനുഭവങ്ങളാല്‍ തല നരച്ചു തുടങ്ങിയ കര്‍ഷകര്‍ യാതൊരു വിധ കാര്ഷികാനുഭവ സമ്പത്തുമില്ലാത്ത താങ്കളെ പോലുള്ളവരാല്‍ വഞ്ചിക്കപ്പെട്ടു എന്നതില്‍ ഖേദമുണ്ട്. ദീര്‍ഘ വീക്ഷണമില്ലാത്തതും, പാരിസ്ഥിതികമായി വിനാശകരമായതുമായ ഒരു കൃഷി രീതി താങ്കളെ പോലുള്ളവരാണ് ഇന്നാട്ടില്‍ ഇറക്കുമതി ചെയ്തത്.

പതിനായിരം വര്‍ഷത്തെ കാര്‍ഷിക ചരിത്രമുണ്ട് ഇന്ത്യക്ക്. അതിപുരാതന കാലം മുതല്‍ക്കു തന്നെ ലോകത്തിലെ ഏറ്റവും ജന സാന്ദ്രത ഏറിയ രാജ്യങ്ങളിലൊന്നായ ഇന്ത്യയിലെ ജനങ്ങളെ പോറ്റാന്‍ ഇവിടുത്തെ മണ്ണിനു കഴിഞ്ഞിരുന്നു. ഒരു തരം രാസ വളങ്ങളും കീടനാശിനികളും ഇവിടെ ഉപയോഗിച്ചിരുന്നില്ല. അത്യുല്പാദന ശേഷിയുള്ള വിത്തുകളും വേണ്ടിയിരുന്നില്ല. താങ്കളിപ്പോള്‍ കൊട്ടി ഘോഷിക്കുന്ന പുതിയ ബയോടെക്‌ നിവേശങ്ങളും ഇവിടെ ഉണ്ടായിരുന്നില്ല. പണ്ടു കാലം മുതല്‍ക്കെ ആക്രമികള്‍ ഇന്ത്യയെ കൊള്ളയടിച്ചു വരുന്നുണ്ട്. എന്നിട്ടും ഇവിടുത്തെ മണ്ണിന്റെ ഫലപുഷ്ടിക്കൊരു കോട്ടവും തട്ടിയില്ല. താങ്കള്‍ ഉദ്ഘോഷിക്കുന്ന ശാസ്ത്രം കര്‍ഷകരെ വഴി പിഴപ്പിക്കുന്നതാണ്. അത് കര്‍ഷകരെ ചതിക്കുഴിയില്‍ ചാടിക്കുന്നു. നമ്മുടെ നാട്ടില്‍ ഞാവല്‍, മാവ്, പുളി തുടങ്ങിയ മരങ്ങള്‍ ധാരാളം ഫലം തരുന്നുണ്ട്. കായ്കളുടെ ഭാരം മൂലം കൊമ്പുകള്‍ തൂങ്ങി നില്‍ക്കുന്നത്‌ കാണാം. ഒരു മരത്തില്‍ നിന്നും ഏതാണ്ട് ഒരു ടണ്‍ കായകള്‍ കിട്ടും. പക്ഷേ മരത്തിന്റെ ചുവട്ടിലെ മണ്ണിനൊരു ക്ഷാമവു മുണ്ടാകുന്നില്ല. പാറക്കെട്ടുകള്‍ നിറഞ്ഞ മലമുകളില്‍ വളരുന്ന ഈ മരങ്ങള്‍ക്ക് എവിടെ നിന്നാണ് വെള്ളവും വളവും കിട്ടുന്നത് ? പ്രകൃതി അവയ്ക്ക് വേണ്ടതെല്ലാം നില്‍ക്കുന്നിടത്ത് എത്തിച്ചു കൊടുക്കുന്നു. പക്ഷേ താങ്കളെ പോലുള്ള ശാസ്ത്രജ്ഞന്‍മാരും വിദഗ്ധരും ഇത് കാണുന്നില്ല. ഒരു മരത്തിനോ ചെടിക്കോ എന്തെല്ലാം, എത്രയെല്ലാം, എപ്പോഴെല്ലാം ആവശ്യമാണെന്ന് നിങ്ങള്‍ നിശ്ചയിക്കുന്നത് എന്ത് അടിസ്ഥാനത്തിലാണ് ?.

ഇന്ത്യയില്‍ നൂറ്റമ്പതിലേറെ കാര്‍ഷിക സര്‍വ്വകലാശാലകള്‍ ഉണ്ട്. ഇവയില്‍ പലതിനും ആയിരക്കണക്കിന് ഏക്കര്‍ ഭൂമിയുണ്ട്. ഇവയ്ക്ക് വേണ്ട അടിസ്ഥാന സൗകര്യത്തിനോ സ്റ്റാഫിനോ പണത്തിനോ ഒരു പഞ്ഞവുമില്ല. കൊട്ടക്കണക്കിനു സബ്സിഡി നല്‍കിയിട്ടും ഇവയിലൊന്ന് പോലും കാല്‍ കാശിന്റെ ലാഭ മുണ്ടാക്കി യിട്ടില്ല. സ്വന്തം അധ്യാപകരെയും മറ്റു ജീവനക്കാരെയും വിദ്യാര്‍ഥി കളെയും തീറ്റി പോറ്റാന്‍ വേണ്ട ഭക്ഷണം പോലും ഇവ ഉല്‍പ്പാദിപ്പിക്കുന്നില്ല. ഇവ കൊല്ലം തോറും യാതൊന്നിനും കൊള്ളരുതാത്ത നൂറു കണക്കിന് അഭ്യസ്ത വിദ്യരെ പടച്ചു വിടുന്നുണ്ട്. കര്‍ഷകരെ വഴി പിഴപ്പിക്കാനും, പാരിസ്ഥിതിക നാശം വിതക്കാനും മാത്രമേ ഇവര്‍ക്കറിയൂ. മറ്റെല്ലാം അവഗണിച്ചു കൊണ്ട് വാണിജ്യ – വ്യവസായങ്ങളെ പുണരുന്ന നമ്മുടെ അടിമത്ത മനോഭാവവും പ്രശ്നം സൃഷ്ടിക്കുന്നു.

പക്ഷേ വ്യവസായമെന്നത് പ്രകൃതി തരുന്ന അസംസ്കൃത വസ്തുക്കള്‍ നിത്യോപയോഗ സാധനങ്ങളായി രൂപാന്തര പ്പെടുത്തുക മാത്രമാണ് ചെയ്യുന്നത്. പുതുതായി ഒന്നും തന്നെ വ്യവസായത്തിന് ഉണ്ടാക്കാനാവില്ല. പ്രകൃതിക്ക്‌ മാത്രമേ യഥാര്‍ത്ഥ സൃഷ്ടി നടത്താനാവൂ. സൂര്യനില്‍ നിന്നും അനുസ്യൂതം ഒഴുകിയെത്തുന്ന ഊര്‍ജ്ജത്തെ സാധനങ്ങളാക്കാന്‍ പ്രകൃതിക്ക് മാത്രമേ കഴിയൂ. എന്നാല്‍ സ്നേഹത്താലോ വിവേകത്താലോ എന്നതിനേക്കാള്‍ കച്ചവടത്താല്‍ പ്രചോദിതമായ ആധുനിക സാങ്കേതിക വിദ്യ എല്ലാ തലത്തിലും നാശം വിതക്കുന്നു. മണ്ണും വെള്ളവും വായുവുമെല്ലാം മലിനമാക്കി നശിപ്പിച്ചു. നമ്മുടെ കാടുകള്‍ എതാണ്ട് എല്ലാം തന്നെ നശിപ്പിച്ചു കഴിഞ്ഞു. വന്യജീവികളെ കൊന്നൊടുക്കി. ആധുനിക കര്‍ഷകരാവട്ടെ, തങ്ങളുടെ വയലുകളില്‍ മാരകമായ വിഷങ്ങള്‍ നിരന്തരം തളിച്ചു കൊണ്ടിരിക്കുന്നു. പ്രകൃതിയുടെ ജീവല്‍ സൃഷ്ടിയെ കൂട്ടത്തോടെ കൊന്നൊടുക്കുക യാണിവര്‍. മണ്ണിന്റെ ശ്വാസ കോശങ്ങളെ പ്രവര്‍ത്തിപ്പിക്കുകയും, ജീവന്‍ തുടിക്കുന്ന ജൈവ പിണ്ഡത്തെ സസ്യ ജാലങ്ങള്‍ക്കുള്ള പോഷകങ്ങളാക്കി മാറ്റുകയും ചെയ്യുന്ന സേവകരെയാണ് നാം കൂട്ടത്തോടെ സംഹരിക്കുന്നത്. വിഷമയമായ രാസ വസ്തുക്കള്‍ വെള്ളത്തേയും മനുഷ്യനടക്കമുള്ള പ്രാണി ലോകത്തെയും വിഷത്തില്‍ ആറാടിക്കുന്നു.

ഇന്ത്യ വിള വൈവിധ്യത്തിന് പ്രശസ്തമായിരുന്നു. നാമതില്‍ അഭിമാനം കൊണ്ടിരുന്നു. സഹസ്രാബ്ദ ങ്ങള്‍കൊണ്ട് ഈ നാടിന്റെ ആവശ്യങ്ങള്‍ക്കും കാലാവസ്ഥക്കും യോജിച്ച വിധത്തില്‍ അവ രൂപം കൊണ്ടു വന്നു. നമ്മുടെ ഉയരം കൂടിയ നാടന്‍ നെല്ലിനങ്ങള്‍ കൊടും വെയിലില്‍ നിന്ന് മണ്ണിന്‌ തണലേകി യിരുന്നു. കനത്ത കാലവര്‍ഷ ക്കാലത്ത് മണ്ണൊലിച്ചു പോകുന്നതും അവ തടഞ്ഞിരുന്നു. എന്നാല്‍ വില വര്‍ദ്ധനയുടെ പേരില്‍ താങ്കള്‍ വിദേശീയരായ കുള്ളന്‍ ഇനങ്ങള്‍ ഇവിടെ പ്രചരിപ്പിച്ചു. ഇത് കളകള്‍ക്ക് വീര്യം വര്‍ദ്ധിപ്പിച്ചു. സൂര്യ പ്രകാശത്തിനു വേണ്ടി അവ കുള്ളന്‍ നെല്ലിനോട് മത്സരിച്ചു. തന്മൂലം കളകള്‍ പറിച്ചു നീക്കാനും കളനാശിനികള്‍ വാങ്ങാനും കൂടുതല്‍ പണവും അധ്വാനവും കര്‍ഷകര്‍ക്ക് ചിലവാക്കേണ്ടി വന്നു. നാടന്‍ നെല്ലിനങ്ങളില്‍ നിന്ന് കിട്ടിയിരുന്ന വൈക്കോലിന്റെ മൂന്നിലോന്നെ ഈ കുള്ളന്‍ ഇനങ്ങള്‍ നല്‍കൂ. ഇതില്‍ പോലും വിഷാംശം കണ്ടെത്തിയതിനാല്‍ പഞ്ചാബിലെയും ഹരിയാനയിലെയും കര്‍ഷകര്‍ക്ക് വൈക്കോല്‍ കത്തിച്ചു കളയേണ്ടി വരുന്നു. തന്മൂലം മണ്ണിന്റെ ഫലപുഷ്ടി കുറഞ്ഞു. പുറമേ നിന്നു വളം കൊണ്ട് വരേണ്ടി വന്നു. ആ ബുദ്ധിമുട്ട് ഒഴിവാക്കാന്‍ കര്‍ഷകര്‍ കൂടുതല്‍ രാസ വളം ചേര്‍ത്ത് തുടങ്ങി. അങ്ങനെ മണ്ണ് നശിക്കുകയും മണ്ണൊലിപ്പ്‌ ആരംഭിക്കുകയും ചെയ്തു. രാസ വളം ചേര്‍ത്ത്‌ വളര്‍ത്തിയ വിദേശീയ ഇനങ്ങള്‍ക്ക് കൂടുതല്‍ കീടബാധ അനുഭവപ്പെട്ടു. തന്മൂലം കീടനാശിനികള്‍ കോരി ഒഴിക്കേണ്ടി വന്നു. കീടനാശിനികളെ ചെറുക്കാന്‍ കീടങ്ങള്‍ ശേഷി നേടിയെന്നു മാത്രമല്ല കീട നിയന്ത്രണത്തിനു ഉപകരിച്ചിരുന്ന തവള, എട്ടുകാലി, തുടങ്ങിയ ജീവികള്‍ നശിച്ചു. അതിനപ്പുറം കൃഷിയെ പോഷിപ്പിച്ചിരുന്ന മണ്ണിരയും തേനീച്ചയും അപ്രത്യക്ഷമായി. കൃത്രിമ രാസവളങ്ങളുടെ ഉപയോഗവും നാണ്യ വിള കൃഷിയും വര്‍ദ്ധിച്ചതോടെ ജല സേചനം നടത്തേണ്ടതിന്റെ ആവശ്യം അത്യധികം വര്‍ദ്ധിച്ചു. അഞ്ച് ഹിമാലയന്‍ നദികളാല്‍ അനുഗ്രഹീതമായ പഞ്ചാബില്‍ 1952ല്‍ ഭക്രാനംഗല്‍ അണക്കെട്ട് നിര്‍മ്മിച്ചു, അതിനു ശേഷം ഇന്ത്യയുടെ നാനാ ഭാഗങ്ങളിലായി ചെറുതും വലുതുമായ നിരവധി അണക്കെട്ടുകള്‍ നിര്‍മ്മിച്ചു.

ദക്ഷിണ അമേരിക്ക കഴിഞ്ഞാല്‍ പിന്നെ ലോകത്തില്‍ ഏറ്റവും അധികം മഴ ലഭിക്കുന്ന നാടാണ് ഇന്ത്യ. വാര്‍ഷിക ശരാശരി 4 അടി വരും. സസ്യ ജാലം തണല്‍ വിരിച്ച മണ്ണില്‍, ജൈവാംശം സുലഭമായ മണ്ണില്‍ ഈ മഴയുടെ പകുതിയെങ്കിലും അടിത്തട്ടിലേക്ക് കിനിഞ്ഞിറങ്ങും. ജീവനുള്ള മണ്ണും മണ്ണിനടിയിലെ വെള്ളവുമാകുമ്പോള്‍ അത് പ്രകൃതി ദത്തമായ സംഭരണി കളാകുന്നു. അതിനാല്‍ അര നൂറ്റാണ്ടുകള്‍ക്ക്‌ മുമ്പു വരെ ഇന്ത്യയില്‍ മിക്ക ഭാഗങ്ങളിലും കൊല്ലം മുഴുവന്‍ സുലഭമായി ജലം കിട്ടി കൊണ്ടിരുന്നു. കാട് വെട്ടി തെളിച്ചാല്‍ മണ്ണില്‍ നിന്ന് അതിന്റെ ജല സംഭരണ ശേഷി നഷ്ടപ്പെടും. പുഴകളും കിണറുകളും വറ്റും. ഇന്ത്യയില്‍ മിക്ക സ്ഥലങ്ങളിലും ഈ ദുരന്തം സംഭവിച്ചു കൊണ്ടിരിക്കുന്നു.

അടുത്ത ഒന്നോ രണ്ടോ ദശകത്തിനപ്പുറം നമ്മുടെ ഭൂമിയുടെ മുപ്പതു ശതമാന മെങ്കിലും തദ്ദേശീയ മരങ്ങളുടെയും കാട്ടു മരങ്ങളുടെയും തണലിലാക്കണം. വെള്ള കൊയ്ത്തിന്റെ മര്‍മ്മം അതാണ്‌. ഭൂഗര്‍ഭ ജല സമ്പത്ത് സ്വാഭാവികമായി സംരുദ്ധമാക്കാന്‍ അതാണ്‌ മാര്‍ഗ്ഗം. അങ്ങനെ ചെയ്‌താല്‍ ഒരു ദശകത്തിനപ്പുറം നിസ്സാര ചെലവില്‍ മികച്ച നേട്ടം കൈവരിക്കാന്‍ കഴിയും. ഭൂമിക്കടിയില്‍ സ്വാഭാവികമായി ജലം സംഭരിക്കുന്നതിനുള്ള സാധ്യതയെ പറ്റി നമുക്ക്‌ ബോധ്യമില്ല എന്നതാണ് കഷ്ടം. ഇന്ത്യയില്‍ ഗവണ്‍മെന്റ് നിര്‍മ്മിച്ചതും നിര്‍മ്മിക്കുന്നതും നിര്‍മ്മിക്കാന്‍ ഉദ്ദേശിക്കുന്നതുമായ വലുതും ഇടത്തരവും ചെറുതുമായ അണക്കെട്ടുകളില്‍ എല്ലാം കൂടി സംഭരിക്കാവുന്ന ജലത്തിന്റെ അനേകമിരട്ടി ജലം ജനങ്ങള്‍ക്ക്‌ അവരവരുടെ കാല്‍ ചുവട്ടില്‍ തന്നെ സംഭരിക്കാന്‍ കഴിയും. ഇത്തരത്തിലുള്ള വികേന്ദ്രീകൃത ജല സംഭരണമാണ് കൂടുതല്‍ കാര്യക്ഷമായത്.

ബ്രിട്ടീഷുകാര്‍ ഇന്ത്യ വിട്ടതിനു ശേഷം ഇന്ത്യയിലെ കാര്‍ഷിക മേഖല പുഷ്ടിപ്പെട്ടു വരികയായിരുന്നു. ജനങ്ങളില്‍ 75 ശതമാനവും ജീവിക്കുന്ന നാട്ടിന്‍പുറത്ത് പോഷക വൈവിദ്ധ്യത്തിന് ക്ഷാമ മുണ്ടായിരുന്നില്ല. എന്നാല്‍ നഗര വ്യവസായ മേഖലയുടെ വികസനത്തി നായിരുന്നു ഗവണ്‍മെന്റിനു താല്പര്യം. അതിനു വേഗം കേടു വരാത്ത ധാന്യങ്ങളുടെ ഉത്പാദനം കൂട്ടേണ്ടി വന്നു. ഈ സങ്കുചിത ലക്ഷ്യമാണ്‌ ‘ഹരിത വിപ്ലവം’ അടിച്ചേല്‍പ്പിക്കാന്‍ ഉണ്ടായ യഥാര്‍ത്ഥ കാരണം.

ദാരിദ്ര്യം, തൊഴിലില്ലായ്മ, ജനസംഖ്യാ വര്‍ദ്ധനവ്‌ എന്നിവ പരസ്പരം ബന്ധപ്പെട്ട മൂന്നു പ്രശ്നങ്ങളാണ്. ഈ പ്രശ്നങ്ങള്‍ ഒരേ സമയം പരിഹരിക്കാനുള്ള മാര്‍ഗ്ഗം ഇന്ത്യന്‍ കൃഷിയുടെ സ്വാഭാവിക ആരോഗ്യം വീണ്ടെടുക്കുകയാണ്. കൃഷിക്കു വേണ്ട ആവശ്യങ്ങള്‍ പരിമിതമാക്കാന്‍ കഴിഞ്ഞാല്‍ മാത്രമേ കൃഷിയിലൂടെ പരമാവധി ആളുകള്‍ക്ക് സ്വതന്ത്രരാകാന്‍ കഴിയൂ. അതായത്‌ വളരെ കുറച്ച് മൂലധനമേ കൃഷിക്ക് വേണ്ടൂ എന്നു വരണം. വില കൊടുത്ത്‌ വാങ്ങേണ്ട ആവശ്യങ്ങള്‍ കുറയ്ക്കണം. കാര്‍ഷിക ഉപകരണങ്ങളുടെ ആവശ്യം പരിമിത മാക്കണം. ബാഹ്യ സാങ്കേതിക വിദ്യയും കുറയണം. അങ്ങനെ കാര്‍ഷികോത്പാദനം വര്‍ദ്ധിപ്പിക്കാം. അപ്പോള്‍ ദാരിദ്ര്യം കുറയും. ജനസംഖ്യാ പെരുപ്പം ഒരു വിധം പരിഹരിക്കാനാവും.ഇന്ത്യക്കിന്ന് അത്യാവശ്യമായത് ബഹുവിള ജൈവ കൃഷിയും ഫല വൃക്ഷങ്ങള്‍ നട്ടു വളര്‍ത്തലും കാടുകളുടെ പുനരുദ്ധാരണവുമാണ്. വ്യാപകമായ ഇത്തരമൊരു മാറ്റത്തെ പിന്താങ്ങാനുള്ള ആര്‍ജവ ബുദ്ധി താങ്കള്‍ക്കുണ്ടാകുമോ? ഇക്കാര്യത്തില്‍ നിങ്ങള്ക്ക് എന്തെങ്കിലും സംശയങ്ങള്‍ ഉണ്ടെങ്കില്‍ അതറിയിച്ചാല്‍ മറുപടി തരാന്‍ എനിക്ക് സന്തോഷമേയുള്ളൂ. ഞാനെന്റെ കൃഷിയിടത്തിലേക്ക് അങ്ങയെയും ക്ഷണിക്കുകയും ചെയ്യുന്നു.

എന്ന്

സ്നേഹപൂര്‍വ്വം,

ഭാസ്കര്‍ എച്ച്. സാവേ

(ഗുജറാത്തിലെ വില്സാദിലുള്ള ജൈവ കൃഷി തോട്ടത്തിന്റെ സ്ഥാപകനും പാരമ്പര്യ കൃഷിക്കാരനുമായ ഭാസ്കര്‍ സാവേ ദേശീയ കര്‍ഷക കമ്മീഷന്റെ ചെയര്‍മാനും ‘ഹരിത വിപ്ലവ’ത്തിന്റെ പിതാവുമായ ഡോ. എം. എസ്. സ്വാമിനാഥന് എഴുതിയ പ്രശസ്തമായ കത്തിന്റെ സംക്ഷിപ്ത രൂപം)

കടപ്പാട് : ഇല്ല്യാസ്‌ , പാഠഭേദം, ജീവനം 09

അവലംബം: The Great Agricultural Challenge

കടപ്പാട് www.epathram.com

ഭാസ്കര്‍ എച്ച്. സാവേ

ഫുക്കുവോക്ക

ഷിനോജേക്കബ് shino jacob

തീവണ്ടി ആനക്കൊലപാതകം അവസാനിപ്പിച്ചപ്പോള്‍...

2011-03-08T22:42:00.007+05:30

കേരളത്തിലും ഭാരതത്തിന്റെ പലഭാഗങ്ങളിലും തീവണ്ടി മുട്ടി നിരവധി കാട്ടാനകള്‍ മരണമടയുന്ന വാര്‍ത്ത നാം കേള്‍ക്കുന്നു ... എന്നാല്‍ നിരന്തര പ്രവര്‍ത്തനത്തിന്റെയും പഠനത്തിന്റെയും ഫലമായി 2002 ന് ശേഷം ഒരു കാട്ടാന പോലും തീവണ്ടി മുട്ടി മരിയ്ക്കാത്ത സ്ഥലമാണ് ഉത്തരാഖണ്ഡിലെ രാജാജി നാഷണല്‍ പാര്‍ക്ക് ... അവിടെ നടന്ന പ്രവര്‍ത്തനങ്ങളെപ്പറ്റി കൂടുതല്‍ വായിക്കൂ....

ഷിനോജേക്കബ് shinojacob

കുട്ടികള്‍ക്ക് ബാല്യം തിരിച്ചുകൊടുക്കുക...

2011-02-27T20:37:00.013+05:30

ചെറുപ്പത്തിലേ പിടികൂടുക എന്നത് ഒരു തന്ത്രമാണ്. ചെറുപ്പത്തില്‍
പിടികൂടപ്പെടുന്നവനെ എന്നെന്നും അടിമയാക്കിവെയ്ക്കുവാന്‍ എളുപ്പമുണ്ട്.

അതായത് ചെറുപ്പത്തില്‍ എന്തുമാത്രം നല്ല ശീലങ്ങള്‍ ,നൈസര്‍ഗീകമായ കാര്യങ്ങള്‍ കുട്ടികള്‍ക്ക് ലഭിയ്ക്കുന്നുവോ അവര്‍ പിന്നീട് ഉത്തമ പൌരന്‍മാരായി മാറും എന്നതിന് തര്‍ക്കം വേണ്ട .

പക്ഷേ ഇന്നത്തെ രക്ഷാകര്‍ത്താക്കള്‍ ചെറുപ്രായത്തിലേ കുട്ടികളില്‍ അമിത ഭാരം ഏല്‍പ്പിയ്ക്കുന്നു. തന്റെ കുട്ടി ഒരു ഉത്തമ പൌരനാവുക എന്നത് ഒരു രക്ഷാകര്‍ത്താവിന്റേയും ലക്ഷ്യമല്ലാതായിരിയ്ക്കുന്നു. ഡോക്ടര്‍ , എഞ്ചിനീയര്‍ തുടങ്ങി പണം വാരി മെഷീനുകളാവാനാണ് അവര്‍ മക്കളെ ശീലിപ്പിയ്ക്കുന്നത് .അവര്‍ കുട്ടികളെ പുറത്തിറക്കാതെ ബ്രോയിലര്‍ കോഴികളെപ്പോലെ തലച്ചോറിലേയ്ക്ക പാഠ്യഭാഗങ്ങളും മത്സരവും കുത്തിനിറയ്ക്കുന്നു .ബാല്യത്തിന്റെ എല്ലാ സന്തോഷങ്ങളും കുട്ടികള്‍ക്ക് നഷ്ടപ്പെടുത്തി അവരെ തിരിച്ചറിവില്ലാത്തവരാക്കി മാറ്റുന്നു . ഇതിന്റെ ദൂഷ്യവശങ്ങള്‍ ഇന്നത്തെ സമൂഹത്തില്‍ പ്രതിഫലിച്ചുതുടങ്ങിയതിന്റെ ധാരാളം ഉദാഹരണങ്ങള്‍ നമുക്ക് കാണാന്‍ കഴിയും .

ഉത്തമ പൌരന്‍മാരോ ഉത്തമ പൊതുപ്രവര്‍ത്തകരോ യുവജനങ്ങളുടെ ഭാഗത്തുനിന്നും ഉയര്‍ന്നു വരുന്നില്ല . പ്രണയം പോലും കച്ചവട, ലാഭ അതിഷ്ടിതമായിരിയ്ക്കുന്നു.

എന്നാല്‍ ബാല്യം അതിന്റേതായ രീതിയില്‍ ആസ്വദിച്ചും അനുഭവിച്ചും വളരുന്നു ഒരു കുഞ്ഞ് നാളത്തെ ഉത്തമ പൌരനായി മാറാന്‍ സാധ്യത കൂടുതലാണ് . അതായത് ഇന്ന് എല്ലാം മറന്ന് കളിച്ചുനില്‍ക്കുന്ന ഒരു കുട്ടിയില്‍ നിന്നേ നാളെ എന്തെങ്കിലും പ്രതീക്ഷിയ്ക്കേണ്ടതുള്ളൂ...

posted by

shinojacob SHINOJACOB SHINO JACOB shino jacob

വര്‍ണ്ണവവ്വാല്‍

2011-02-27T15:41:00.003+05:30

വര്‍ണ്ണവവ്വാല്‍ - painted bat ( kerivoula picta )

ശാസ്ത്ര പുസ്തകങ്ങളില്‍ വായിച്ചു മാത്രം പരിചയമുള്ള വര്‍ണ്ണ വവ്വാല്‍ എന്ന അപൂര്‍വ്വവും സുന്ദരനുമായ ജീവിയെ ഇന്നാണ് ( 27- 2 -2011 )ജീവിതത്തില്‍ ആദ്യമായി നേരില്‍ കാണാന്‍ കഴിഞ്ഞത്
കൂറ്റനാട് ആമക്കാവ് ക്ഷേത്രത്തിനു സമീപത്തുകൂടി ബൈക്കില്‍ സഞ്ചരിയ്ക്കുമ്പോഴാണ് ആ മനോഹരദൃശ്യം കണ്ണില്‍ വന്നുപെട്ടത്. റോഡില്‍ നിന്നും അടുത്തുള്ള വീട്ടുവളപ്പിലേയ്ക്ക് സുമാര്‍ രണ്ടുമീറ്റര്‍ മാത്രം ഉയരത്തില്‍ അലസമായിപറക്കുകയായിരുന്നു അവന്‍ ... ആദ്യം വിചാരിച്ചത് കടും ചുവപ്പ നിറത്തിലുള്ള പൂമ്പാറ്റയായിരിയ്ക്കുമെന്നാണ്. എന്നാല്‍കാഴ്ച കൃത്യമായി കിട്ടിയപ്പോഴാണ് അത് വര്‍ണ്ണ വവ്വാലാണെന്ന് തിരിച്ചറിയാന്‍ കഴിഞ്ഞത് .
വശംനാശം നേരിട്ടുകൊണ്ടിരിയ്ക്കുന്ന വര്‍ണ്ണ വവ്വാലിനെപ്പറ്റി കൂടുതല്‍ വായിയ്ക്കുന്നതിനും വീഡിയോ കാണുന്നതിനും ഇവിടെ അമര്‍ത്തുക

shino jacob

രാജവെമ്പാല മലമ്പാമ്പിനെ വിഴുങ്ങുന്നു...

2011-02-02T23:35:00.007+05:30

പാമ്പുകളുടെ രാജാവായ രാജവെമ്പാല മലമ്പാമ്പിനെ വിഴുങ്ങുന്ന അപൂര്‍വ്വ രംഗത്തിന് സാക്ഷ്യം വഹിയ്ക്കാന്‍ കഴിഞ്ഞതിന്റെ ത്രില്ലിലാണ് നെടുങ്കയം ഡെപ്യൂട്ടി ഫോറസ്റ്റ് റേഞ്ച് ഓഫീസര്‍ ശ്രീ എം പി മണി. സാധാരണയായി ചേരയാണ് രാജവെമ്പാലയുടെ ഇഷ്ട ഭക്ഷണം എന്നാല്‍ അപൂര്‍വ്വമായി മറ്റു പാമ്പുകളേയും ഇവന്‍ ഭക്ഷണമാക്കാറുണ്ട്..നെടുങ്കയം മുത്തള വനത്തിലെ പതിവുപട്രോളിങ്ങിനിടയിലാണ് ശ്രീ എം പി മണിയ്ക്ക് ഈ കാഴ്ച കാണാനായത്

m p mani deputy forest രങ്ങേര്‍

Shino jacob ഷിനോജേക്കബ്

ഓസോണ്‍പരിരക്ഷകന്‍

2010-10-20T22:35:00.005+05:30

തന്റെ പ്രവര്‍ത്തികൊണ്ട് ഒരു ദോഷം സംഭവിയ്ക്കുന്നു എന്ന് തിരിച്ചറിയുന്ന ഒരു മനുഷ്യന്‍ , ആ ദോഷത്തിന് ഉള്ളുതുറന്ന് പരിഹാരവും ചെയ്യുന്നു....

അങ്ങിനെ ഒരു കാഴ്ചയെ പരിചയപ്പെടുത്തട്ടെ...

പല്ലീരി സന്തോഷ് 9846172263

2007 ലെ മഴക്കാലത്ത് എളവാതില്‍ക്കല്‍ ക്ഷേത്രമൈതാനിയില്‍ പലഭാഗങ്ങളിലായി വൃക്ഷത്തൈകള്‍ നട്ട് അതിന് ചെറിയ ചുള്ളിക്കമ്പുകളും മുള്ളുംകൊണ്ട് സംരക്ഷണ വലയം തീര്‍ത്തിരിയ്ക്കുന്ന കാഴ്ച കണ്ട് ഞാന്‍ അതിന്റെ കര്‍ത്താക്കളെ തേടിച്ചെന്നു . സന്തോഷേട്ടനും കൂട്ടുകാരുമായിരുന്നു അത് .വെയിലില്‍ ചുട്ടുപഴുക്കുന്ന ക്ഷേത്രമൈതാനത്തിന് തണലേകല്‍ ലക്ഷ്യംവെച്ച് നടത്തിയ പ്രവര്‍ത്തിയായിരുന്നു അത് .അതാണ് ഞാന്‍ ആദ്യം നേരില്‍കണ്ട സന്തോഷേട്ടന്റെ ഓസോണ്‍ പരിരക്ഷണ പ്രവര്‍ത്തനം

2008 ല്‍ സന്തോഷേട്ടന്‍ മരം നടലില്‍ സജീവമാകുന്ന കാഴ്ചയാണ് പിന്നീട് കാണുന്നത് . സുഹൃത്തുക്കളില്‍ നിന്നും അഭ്യുദയകാംക്ഷികളില്‍ നിന്നും സ്പോണ്‍സര്‍ഷിപ്പ് ശേഖരിച്ച് ഇരുമ്പ് ട്രീഗാര്‍ഡ് സംഘടിപ്പിച്ച് റോഡരുകില്‍ നട്ടുപിടിപ്പിച്ച 70 വൃക്ഷത്തൈകള്‍ ഇപ്പോള്‍ കൂറ്റനാട് തലയുയര്‍ത്തി നില്‍ക്കുന്നു .

2009 ല്‍ അത് 100 മരങ്ങളായി ഉയര്‍ന്നു ... ഇതിനായി ജനങ്ങള്‍ക്കിടയില്‍ ഇറങ്ങിപ്രവര്‍ത്തിയ്ക്കാന്‍ സന്തോഷേട്ടന്‍ മുന്‍നിരയിലുണ്ടായിരുന്നു . 2010 ല്‍ 200 മരങ്ങള്‍ നട്ടുപിടിപ്പിയ്ക്കാനും സന്തോഷേട്ടന്‍ പുറകിലായിരുന്നില്ല ...

ജോലി ആവശ്യത്തിന് പലയിടങ്ങളിലും പോയിവരുമ്പോള്‍ പലതരം ആല്‍ വൃക്ഷത്തൈകള്‍ കെട്ടിടങ്ങള്‍ക്കും മറ്റും മുകളില്‍ നിന്നും സംഭരിയ്ക്കുന്നതും സന്തോഷേട്ടന്റെ ഇഷ്ടപ്രവര്‍ത്തികളില്‍ ഒന്നാണ്... വലിയ തണല്‍മരം കണ്ട് മതിമറന്ന് നില്‍ക്കുക....നിറയെ ചക്ക തരുന്ന പ്ലാവിനെ സ്നേഹിയ്ക്കുക ...ഏതുവീട്ടില്‍ ചക്ക പഴുത്തുനില്‍ക്കുന്നുണ്ടോ അവിടെക്കയറി ഒരുനാണക്കേടും വിചാരിയ്ക്കാതെ അഭിമാനപൂര്‍വ്വം അത് ചോദിച്ച് വാങ്ങിച്ച് നിറയെ ചക്കപ്പഴം കഴിച്ച് പ്രകൃതിയുമായി ഒന്നാവുക.... വന്‍വൃക്ഷങ്ങള്‍ തന്റെ വീട്ടുവളപ്പില്‍ നിറയെ വളര്‍ന്ന് വരട്ടെ എന്ന് പ്രാര്‍ത്ഥിയ്ക്കുക.... സന്തോഷേട്ടന്‍ ഇങ്ങനെയൊക്കെയാണ്....

അടുത്തൊരു ദിവസം ഞാന്‍ വെറുതെയൊന്ന് ചോദിച്ചതാണ്, എന്താണ് സന്തോഷേട്ടന് മരങ്ങള്‍ വെച്ചുപിടിപ്പിയ്ക്കാന്‍ ഇത്രയേറെ താത്പര്യം........ അതിന് എനിയ്ക്ക് കിട്ടിയ മറുപടി പാഠപുസ്തകങ്ങളിലും ഗവേഷണ പ്രബന്ധങ്ങളിലും മാത്രം നാം കേട്ടിട്ടുള്ളതാണ്...

" എന്റെ തൊഴില്‍ റഫ്രിഡ്ജറേഷന്‍ ,എയര്‍കണ്ടീഷനിങ്ങ് എന്നിവയാണ് ... ഇത് ഓസോണ്‍പാളിയ്ക്ക് കേടുണ്ടാക്കുന്ന വാതകങ്ങള്‍ പുറത്തുവിടുന്നതും തന്‍മൂലം ഭൂമിയ്ക്ക് കേടുപാടുകള്‍ഉണ്ടാകാന്‍ ഇടയാക്കുന്നതുമാണ്.”... "ആയതിനാല്‍ ഞാന്‍മൂലം കേടുവരുന്ന ഓസോണ്‍പാളിയെ കോംപന്‍സേറ്റ് ചെയ്യാന്‍ ഞാന്‍ മരങ്ങള്‍ വെച്ചുപിടിപ്പിയ്ക്കുന്നു... “

"വര്‍ഷങ്ങളായി റഫ്രിഡ്ജറേഷന്‍ മേഖലയില്‍ പ്രവര്‍ത്തിച്ചുവരുന്ന ഞാന്‍ അറിഞ്ഞും അറിയാതെയും ഈ ഭൂമിയെ കേടുവരുത്താന്‍ കൂട്ടുനിന്നിട്ടുണ്ട് .... ആയതിനാല്‍ വരും തലമുറയ്ക്ക് വേണ്ടി ഞാനിത് ചെയ്യുന്നു.... “

എല്ലാവരും തിരക്കിലാണ്... എല്ലാവരും ഭാരിച്ച ഉത്തരവാദിത്വങ്ങള്‍ പേറുന്നവരുമാണ്... എങ്കിലും പച്ചപ്പിന്റെ ഒരുവിരല്‍ ഞൊടിപ്പെങ്കിലും ഈ ഭൂമിക്ക് വേണ്ടി ചെയ്തിരുന്നെങ്കില്‍...

ആഗോളതാപനം....... കാലാവസ്ഥാ വ്യതിയാനം .... നമുക്കുപഠിയ്ക്കാന്‍ വിഷയങ്ങള്‍ ഇനിയും ഒരുപാട് വരും... ഇതിനെയെല്ലാം പ്രയോഗതലത്തില്‍ നേരിടുന്ന സന്തോഷേട്ടന്‍മാരെയാണ് നമുക്കാവശ്യം......

പി സന്തോഷ് കുമാര്‍ , പല്ലീരി വീട് , കൂറ്റനാട് പിഒ 679533 പാലക്കാട് . ഷീബ ( ഭാര്യ ) പൂജ (മകള്‍ )

സന്തോഷേട്ടന്‍ താന്‍ റോഡരുകില്‍ നട്ട മരത്തിനൊപ്പം

സന്തോഷേട്ടന്‍ തന്റെ റഫ്രിഡ്ജറേഷന്‍ കടയ്ക്കുമുന്നില്‍ .

Shino jacob ഷിനോജേക്കബ്

ചീറ്റപ്പുലി തിരിച്ചുവരുന്നു...

2010-10-07T21:55:00.009+05:30

ഭാരതത്തില്‍ 1940 കളില്‍ വംശനാശം സംഭവിച്ച ചീറ്റപ്പുലി വര്‍ഷങ്ങള്‍ക്കുശേഷം തിരിച്ചുവരാന്‍ തയ്യാറെടുക്കുന്നു ....

വൈല്‍ഡ് ലൈഫ് ട്രസ്റ്റ് ഓഫ് ഇന്‍ഡ്യ , ബോംബെ നാച്ചുറല്‍ ഹിസ്റ്ററി സൊസൈറ്റി , ഇന്‍ഡ്യന്‍ വൈല്‍ഡ് ലൈഫ്റിസര്‍ച്ച് ഇന്‍സ്റ്റിറ്റ്യൂട്ട് ഡെറാഡൂണ്‍ എന്നിവയുടെ സംയുക്തപഠനത്തിന്റെ ഭാഗമായാണ് ചീറ്റപ്പുലി തിരിച്ചെത്തുന്നത്
ഒരുകാലത്ത് ചീറ്റപ്പുലിയുടെ ആവാസകേന്ദ്രങ്ങളായിരുന്ന ഗുജറാത്ത് , മദ്ധ്യപ്രദേശ് , രാജസ്ഥാന്‍ എന്നിവിടങ്ങളിലെവനപ്രദേശങ്ങളില്‍ ആഫ്രിക്കയില്‍ നിന്നും ചീറ്റപ്പുലികളെ എത്തിച്ച് തുറന്ന് വിടാനാണ് പരിപാടി .... ഈ പദ്ധതിയ്ക്ക്കേന്ദ്രഗവണ്‍മെന്റിന്റെഅംഗീകാരം

കിട്ടിക്കഴിഞ്ഞു.മേല്‍പറഞ്ഞ വനപ്രദേശങ്ങളില്‍ ഇപ്പോഴും ചീറ്റപ്പുലിയ്ക്ക്അനുയോജ്യമായ ആവാസവ്യവസ്ഥ നിലനില്‍ക്കുന്നുണ്ട് എന്ന് ഗവേഷകര്‍ കണ്ടെത്തിയിട്ടുണ്ട്.

അനിയന്ത്രിതമായ വേട്ടയാടലാണ് ഭാരതത്തില്‍ ചീറ്റപ്പുലിയെ വംശനാശത്തിലെത്തിച്ചത്.സ്വാതന്ത്ര്യത്തിന് മുന്‍പുള്ളകാലഘട്ടത്തില്‍ പലയിടങ്ങളിലും രാജാക്കന്‍മാരും മറ്റുംചീറ്റപ്പുലി ഇണക്കിവളര്‍ത്തിയിരുന്നു . മാനുകളേയും മറ്റുംവേട്ടയാടാനായിരുന്നു അത് . ഏറ്റവും വേഗത്തില്‍ ഓടാന്‍ കഴിയുന്ന മൃഗമായ ചീറ്റപ്പുലിയ്ക്ക് മണിക്കൂറില്‍ 110 കിലോമീറ്റര്‍ വരെ സ്പീഡുണ്ട് ,അക്ബര്‍ ചക്രവര്‍ത്തിയ്ക്ക് 9000 ചീറ്റപ്പിലികള്‍ ഉണ്ടായിരുന്നു എന്നാണ് ചരിത്രസൂചന .
ഇന്ന് ഏഷ്യന്‍ ചീറ്റപ്പുലി പ്രധാനമായും അധിവസിയ്ക്കുന്നത് ഇറാനിലാണ് .പാകിസ്ഥാന്‍, ബലൂചിസ്ഥാന്‍മേഖലകളില്‍ അപൂര്‍വ്വമായി ഇവയെ കണ്ടുവരുന്നുണ്ട്. ഭാരത്തില്‍ ചീറ്റപ്പുലിയെപ്പറ്റിയുള്ള അവസാനത്തെ വിവരം 1948 ല്‍ മദ്ധ്യപ്രദേശിലെ രാജാവായിരുന്ന മഹാരാജാ രാമാനുജ പ്രതാപ് സിങ്ങ് വെടിവെച്ച്കൊന്ന മൂന്ന്ചീറ്റപ്പുലികളെക്കുറിച്ചുള്ളതാണ്. അതിനുശേഷം ആരും ചീറ്റപ്പുലികളെ കണ്ടതായി അറിവില്ല .
ചീറ്റപ്പുലികളെക്കുറിച്ച് കൂടുതല്‍ അറിയുന്നതിന് താഴെയുള്ള ലിങ്കുകളില്‍ അമര്‍ത്തുക

http://en.wikipedia.org/wiki/Cheetah

http://www.cheetah.org/

http://www.cheetah.bigcats.in/

ചീറ്റുലികളുമായി വേട്ടയ്ക്ക് പോകുന്നു

രാജാവ് ചീറ്റപ്പുലികളെ കൊന്നിട്ടിരിയ്ക്കുന്നു

SHINOJACOB

Shino jacob ഷിനോജേക്കബ്

കാട് ആനയ്ക്ക് തിരിച്ചുകൊടുക്കുക....

2010-10-04T20:23:00.005+05:30

സമീപകാലത്തെ വാര്‍ത്തകളില്‍ നിറഞ്ഞുനില്‍ക്കുന്ന ഒന്നാണ് കാട്ടാനയും മനുഷ്യനും തമ്മിലുള്ള യുദ്ധം... കാടെല്ലാം നാടാവുകയും ഉള്ള കാടുകള്‍ തേക്ക് തോട്ടങ്ങളോ യൂക്കാലിപ്റ്റസ് തോട്ടങ്ങളോ ആവുകയും അവശേഷിയ്ക്കുന്ന ഹരിതവനങ്ങളില്‍ നായാട്ടുകാരും കഞ്ചാവുകൃഷിക്കാരും ചാരായ വാറ്റുകാരും താവളമുറപ്പിയ്ക്കുകയും ചെയ്യുമ്പോള്‍ ജീവന്‍ രക്ഷിയ്ക്കാന്‍ വേണ്ടി കുറേക്കൂടി സുരക്ഷിതമായ നാട്ടിലേയ്ക്കിറങ്ങുക എന്നതുമാത്രമേ ആനകള്‍ക്ക് ചെയ്യാനുള്ളൂ....

നാട്ടില്‍ ആരും പരസ്യമായി വെടിവെച്ച് കൊല്ലില്ല എന്നറിയാവുന്ന കാട്ടാന വനമേഖലയോടുചേര്‍ന്ന ഗ്രാമങ്ങളില്‍ ഭക്ഷണവും വെള്ളവും തേടിയെത്തുന്നു... എന്നാല്‍ അത് മനുഷ്യന്‍ തനിയ്ക്കുവേണ്ടി മാത്രം സൃഷ്ടിച്ചതാകയാല്‍ യുദ്ധം തുടങ്ങുകയായി....

വൈദ്യുതവേലി , കിടങ്ങ് ,പടക്കം ,പാട്ടകൊട്ടല്‍ എന്നിങ്ങനെ ഏതെല്ലാം പരീക്ഷണങ്ങള്‍ നടത്തിയാലും കാട്ടില്‍ തന്നെ കൊല്ലാന്‍ കാത്തിരിയ്ക്കുന്ന നായാട്ടുകാരന്റെയോ കഞ്ചാവുകൃഷിക്കാരന്റെയോ അത്രയും വരില്ലെന്ന് കാട്ടാനയ്ക്കറിയാം.... ആയതിനാല്‍ ആനകള്‍ കാട്ടിലേയ്ക്ക് കയറാന്‍ മടിച്ച് നാട്ടില്‍ത്തന്നെ താവളമുറപ്പിയ്ക്കുന്നു .

കാട്ടാനശല്യം ഒഴിവാക്കണമെന്ന് ആവശ്യപ്പെട്ട് പ്രക്ഷോഭം നടത്തുന്ന രാഷ്ടീയപാര്‍ട്ടികളും കര്‍ഷകസംഘടനകളും ചെയ്യേണ്ടത് , ആന എന്തിന് കാടുവിട്ട് പുറത്തേയ്ക്കിറങ്ങുന്നു എന്ന് അന്വേഷിയ്ക്കുകയാണ് . കാട്ടില്‍ ആനയുടെ ഭക്ഷണം ഇല്ലാതാവുമ്പോള്‍ ,കുടിയ്ക്കാനും കുളിയ്ക്കാനും വെള്ളമില്ലാതാവുമ്പോള്‍, അഭയമില്ലാതാവുമ്പോള്‍ ആണ് ആന കാട്ടിനുപുറത്തിറങ്ങുന്നത് എന്ന് അവര്‍ക്ക് മനസ്സിലാക്കാം,,,, ഇത് സംഭവിയ്ക്കുന്നത് മനുഷ്യന്റെ നിയമവിരുദ്ധമായ ഇടപെടലുകള്‍ നിമിത്തമാണ്. (കൂടാതെ വനാതിര്‍ത്തിയില്‍ ആനയ്ക്ക് ഇഷ്ടപ്പെട്ട ഭക്ഷണമായ കരിമ്പ് , വാഴ തുടങ്ങിവ കൃഷിചെയ്യുന്നതും, കൃഷിയില്‍ രാസവസ്തുക്കള്‍ ഉപയോഗിയ്ക്കുന്നതു നിമിത്തം ഉപ്പിന്റെ ഉയര്‍ന്ന അളവും ആനകളെ ആകര്‍ഷിയ്ക്കുന്നു ) ആയതിനാല്‍ കാട് , ആനകള്‍ക്കും മറ്റു മൃഗങ്ങള്‍ക്കും തിരിച്ചുകൊടുക്കുക എന്ന പദ്ധതിയാണ് ആന ശല്യത്തിന് ശാശ്വതമായ പരിഹാര മാര്‍ഗ്ഗം,,,, അല്ലാതെ വൈദ്യുതവേലിയോ കിടങ്ങോ അല്ല

ഒരു പ്രദേശത്ത് ഒതുങ്ങി ജീവിയ്ക്കുന്ന സ്വഭാവക്കാരല്ല ആനകള്‍ . അവ നിരന്തരം സഞ്ചരിച്ചുകൊണ്ടയിരിയ്ക്കും .... ആനകള്‍ ഇപ്രകാരം സഞ്ചരിയ്ക്കുന്ന വഴികളേയാണ് ആനത്താരകള്‍ എന്ന് പറയുന്നത് .എന്നാല്‍ ഇന്ന് ഭൂരിപക്ഷം ആനത്താരകളും മനുഷ്യവാസമേഖലകളോ കൃഷിയിടങ്ങളോ ആയി മാറിയിരിയ്ക്കുന്നു .എന്നാല്‍ ആനകള്‍ തങ്ങളുടെ യാത്ര അവസാനിപ്പിയ്ക്കാന്‍ തയ്യാറാകുന്നുമില്ല .ഈ യാത്ര തലമുറകളിലൂടെ അവയ്ക്ക് കൈമാറിക്കിട്ടിയതാണല്ലോ...... തന്‍മൂലം തങ്ങളുടെ മാര്‍ഗ്ഗത്തില്‍ തടസ്സമായതെന്തിനേയും തകര്‍ത്ത് മുന്നോട്ടുപോകാന്‍ ആന ശ്രമിയ്ക്കും. ആയത് ആനയും മനുഷ്യനും തമ്മിലുള്ള പോരിന് ഇടയാക്കും. ഈ മേഖലയില്‍ പഠനം നടത്തിയ വൈല്‍ഡ് ലൈഫ് ട്രസ്റ്റ് ഓഫ് ഇന്‍ഡ്യ കര്‍ണ്ണാടകയിയെ കൊല്ലെഗലില്‍ ഒരു ആനത്താര വിലകൊടുത്തുവാങ്ങി , ഗവണ്‍മെന്റിന് കൈമാറിയത് ശ്രദ്ധനേടിയ ഒരു സംഭവമായിരുന്നു. ചില ആനത്താരകളെ റോഡ് , റെയില്‍പ്പാതകളും മുറിയ്ക്കുന്നുണ്ട്. ഇത് ആനകളുടെ കൂട്ടമരണത്തിന് വരെ ഇടയാക്കുന്നുണ്ട്

ആനകള്‍ നാട്ടിലിറങ്ങിയ വാര്‍ത്തകള്‍ നാം സൂക്ഷ്മവിശകലനം നടത്തുമ്പോള്‍ മനസ്സിലാവുക നല്ല കാടുള്ള ഭാഗങ്ങളില്‍ ആനകള്‍ നാട്ടിലിറങ്ങുന്നില്ല... ( ഉദാ : ശിരുവാണി , സൈലന്റ് വാലി , ആനക്കുളം - മൂന്നാര്‍ എന്നീ വനപ്രദേശങ്ങളോട് ചേര്‍ന്ന സ്ഥലങ്ങള്‍ ) മനുഷ്യന്റെ ഇടപെടലുകള്‍ കൂടുതലുള്ളതും ശോഷിച്ചതുമായ കാടുകളുടെ അരികിലെ നാട്ടിലേയ്ക്ക് ആന സര്‍ക്കീട്ടിനായി ചെല്ലുന്നു ഉദാ; നിലമ്പൂര്‍ , അട്ടപ്പാടി ..... അതായത് കാട്ടില്‍ അഭയമില്ലാതായി തുരത്തപ്പെടുന്ന ആനകളാണ് നാട്ടില്‍ കലഹമുണ്ടാക്കുന്നത്. ആയതിനാല്‍ കാട് ആനകള്‍ക്ക് തിരിച്ചുകൊടുത്തേ മതിയാവൂ.......

കാട്ടാന നാട്ടിലെ കിണറ്റില്‍ വീണപ്പോള്‍

റെയില്‍പ്പാത മുറിച്ചുകടക്കുന്ന കാട്ടാന

തീവണ്ടി

തട്ടി മൃതിയടഞ്ഞ കാട്ടാന

ആന തേയിലത്തോട്ടത്തില്‍

ആദിവാസിക്കുട്ടി ആനക്കുട്ടിയ്ക്കൊപ്പം

നാട്ടാന

Shino jacob ഷിനോജേക്കബ്

കൃഷിക്ലര്‍ക്ക്

2010-09-26T20:49:00.007+05:30

വെള്ളക്കോളര്‍ ജോലി കിട്ടിയാല്‍ മണ്ണിനേയും വന്ന വഴിയും മറക്കുന്ന പുതിയ തലമുറ തിമിര്‍ക്കുന്ന ഇക്കാലത്ത്പാടത്തെ ചേറിലും ചെളിയിലും ആനന്ദവും നിര്‍വ്വൃതിയും കണ്ടെത്തുന്ന ഒരു ചെറുപ്പക്കാരനെ പരിചയപ്പെടുത്തട്ടെ...

പേര് , സി.ജയപ്രകാശ്.. പാലക്കാട് ജില്ലയിലെ പട്ടാമ്പിയ്ക്കടുത്ത് കൂറ്റനാട് , കോമംഗലത്താണ് വീട്... ഭാരതീയചികിത്സാവകുപ്പിന്റെ ( ആയുര്‍വ്വേദം )പാലക്കാട് ഓഫീസില്‍ ക്ലര്‍ക്കായി ജോലി ചെയ്യുന്നു.
കൃഷിപ്പണിക്കാരനായ അച്ഛന്‍ കൃഷ്ണന്‍കുട്ടി പാടത്ത് പണിയെടുക്കുമ്പോള്‍ ജയപ്രകാശിന് കാഴ്ചക്കാരനായി , ഓഫീസറായി നില്‍ക്കാന്‍ കഴിയുന്നില്ല ജയപ്രകാശും പാടത്തേയ്ക്കിറങ്ങുകയായി.... ഞാറുനടലും കൊയ്ത്തും മെതിയുംഎല്ലാം ജയപ്രകാശിന് ഇഷ്ടമുള്ള പ്രവര്‍ത്തന മേഖലകള്‍.....
കോമംഗലത്തെ വിശാലമായ പാടത്തിനോരത്തെ വീട്ടില്‍ താമസിയ്ക്കുന്ന ജയപ്രകാശ് കണികണ്ടുണരുന്നത്നെല്‍ച്ചെടികളേയും നീര്‍പ്പറവകളേയുമാണ്.... മണ്ണിനോടും മരങ്ങളോടും സകലജീവജാലങ്ങളോടും ഉള്ള സ്നേഹംവിടാതെ നിലനിര്‍ത്താന്‍ കഴിയുക എന്നത് ജയപ്രകാശിന് ഏറ്റവും സന്തോഷമുള്ള കാര്യമാണ്.
ഏതെങ്കിലും വെള്ളക്കോളര്‍ ജോലി കിട്ടിയാല്‍ താന്‍ മേലാളനായി എന്ന് കരുതുന്ന ഇന്നത്തെ തലമുറജയപ്രകാശില്‍ നിന്നും വളരെയേറെ പഠിയ്ക്കേണ്ടതുണ്ട്......

ജയപ്രകാശ് മൊബൈല്‍ നമ്പര്‍ .... 9446478580

ജയപ്രകാശ് കൃഷിപ്പണിയില്‍

ജയപ്രകാശ് അച്ഛനോടൊപ്പം

Shino jacob ഷിനോജേക്കബ്

മരം നടല്‍ 2010

2010-09-16T22:28:00.006+05:30

കഴിഞ്ഞ

രണ്ടുവര്‍ഷക്കാലത്തെ മരം നടല്‍ പരിപാടിയുടെ തുടര്‍ച്ചയായി 2010 ലും കൂറ്റനാട്ടെ ജനകീയ കൂട്ടായ്മ മരം നട്ടുപിടിപ്പിയ്ക്കുന്നതില്‍ മാതൃകാപരമായ പ്രവര്‍ത്തനം നടത്തി.2010 ജൂണ്‍ മാസത്തില്‍ത്തന്നെ മരങ്ങള്‍ നട്ടുപിടിപ്പിയ്ക്കുന്നതിനായി ഞങ്ങള്‍ ഏപ്രില്‍ 25 ന് യോഗം ചേര്‍ന്നു.വൃക്ഷത്തൈകള്‍ക്ക് സംരക്ഷണത്തിനായി ഈറ്റകൊണ്ടുള്ള കൂട ഉപയോഗിയ്ക്കാന്‍ യോഗത്തില്‍ തീരുമാനിച്ചു.ഈറ്റക്കൂട് സ് പ്രേപെയിന്റ് ചെയ്ത് ഭംഗിയാക്കുവാനും തീരുമാനമായി.

അടുത്തപ്രദേശത്തൊന്നും ഈറ്റക്കൂട് ലഭ്യമല്ലാത്തതിനാല്‍ 75 കിമീ അകലെയുള്ള കഞ്ചിക്കോടുനിന്നാണ് കൂട കൊണ്ടുവന്നത്.കഞ്ചിക്കോട്ടെ പ്രമുഖ ഈറ്റ ഉല്‍പ്പന്ന നിര്‍മ്മാതാവായ ശക്തിവേലിനെയാണ് ഞങ്ങള്‍ ഇക്കാര്യത്തില്‍ സമീപിച്ചത് . 5 അടി ഉയരമുള്ള കൂട , വണ്ടിക്കൂലിയടക്കം 100 രൂപയ്ക്കടുത്തായി കൂറ്റനാടെത്തിയ്ക്കുവാന്‍ .ആയതിലേയ്ക്കായി കൂറ്റനാട്ടെ വ്യാപാരികളേയും പ്രമുഖ വ്യക്തികളേയും കണ്ട് സ്പോണ്‍സര്‍ഷിപ്പ് ശേഖരിയ്ക്കുകയും ചെയ്തു

കഴിഞ്ഞ വര്‍ഷം 100 മരങ്ങള്‍ നടാന്‍ തീരുമാനിയ്ക്കുകയും 116 ട്രീ ഗാര്‍ഡുകള്‍ക്ക് സ്പോണ്‍സര്‍ഷിപ്പ് ലഭിയ്ക്കുകയും ചെയ്തിരുന്നു.തന്‍മൂലം ഇക്കുറി കുറച്ച് വര്‍ദ്ധനവ് വരുത്തി 150 ട്രീഗാര്‍ഡുകള്‍ക്കാണ് സ്പോണ്‍സര്‍ഷിപ്പ് തേടിയത് .എന്നാല്‍ 155 ട്രീ ഗാര്‍ഡുകള്‍ സ്പോണ്‍സര്‍ ചെയ്യപ്പെട്ടു

ഞങ്ങളുടെ പ്രവര്‍ത്തികള്‍ ഊര്‍ജ്ജിതമായി നടക്കവേ മേഴത്തൂരിലെ വൈദ്യമഠം അവര്‍ക്ക് വേണ്ടി ഒരു പദ്ധതിയ്ക്കായി ഞങ്ങളെ സമീപിച്ചു .അതായത് വൈദ്യമഠത്തിന്റെ ലേബലില്‍ 50 വൃക്ഷത്തൈകള്‍ നടുക , അത് ഔഷധ വൃക്ഷങ്ങളും ആയിരിയ്ക്കണം .ഒരു ട്രീഗാര്‍ഡിന് 300 രൂപവരെ ചിലവഴിയ്ക്കാന്‍ അവര്‍ തയ്യാറായി.തുടര്‍ന്ന് ഫോറസ്റ്റര്‍ മണി ( ഇപ്പോള്‍ ഡെപ്യൂട്ടി റേഞ്ചര്‍ - നെടുങ്കയം , നിലമ്പൂര്‍ ) മുന്‍കയ്യെടുത്ത് അതിനുവേണ്ടവൃക്ഷത്തൈകളെത്തിച്ചുഅരയാല,പേരാല,ഞാവല,വേങ്ങ,മണിമരുത്,ആര്യവേപ്പ്,കണിക്കൊന്ന,താന്നി,ഉങ്ങ് തുടങ്ങിയ വൃക്ഷത്തൈകള്‍ അവിടെ നട്ടു.

കഴിഞ്ഞ വര്‍ഷങ്ങളിലെ അപേക്ഷിച്ച് ഈ വര്‍ഷം തികഞ്ഞ പ്ലാനിങ്ങോടെ പ്രവര്‍ത്തിച്ചതിനാല്‍ ജൂണ്‍ മാസത്തില്‍ത്തന്നെ കൂറ്റനാട്ട് 155 വൃക്ഷത്തൈകളും നടാന്‍ പറ്റി . മേഴത്തൂരില്‍ ജൂലൈ ആദ്യവാരവും നട്ടു.തന്‍മൂലം എല്ലാ മരങ്ങള്‍ക്കും ആവോളം മഴ ലഭിച്ചു.

മരങ്ങള്‍ നട്ടതിനു ശേഷം ഞങ്ങള്‍ തൈകളെ ദിവസവും നിരീക്ഷിക്കാറുണ്ട് .എന്തെങ്കിലും കേടുപാട് പറ്റിയാല്‍ അപ്പപ്പോള്‍ പരിഹരിയ്ക്കാറുമുണ്ട് .കൂടാതെ കഴിഞ്ഞ വര്‍ഷം നട്ട പല മരങ്ങള്‍ക്കും ശാഖകള്‍ പടര്‍ന്നു പന്തലിച്ചു വന്നതിനാല്‍ തെരെഞ്ഞടുത്തവ വെട്ടിയൊതുക്കി വളരാനുള്ള ശരിയായ ദിശ ഉണ്ടാക്കിക്കൊടുക്കുക, കാടുമൂടിയ മരങ്ങളെ വൃത്തിയാക്കുക തുടങ്ങിയ പ്രവര്‍ത്തികളും ഇപ്പോള്‍ ചെയ്തുവരുന്നു.

കൂറ്റനാട്ടെ മരം നടല്‍ പരിപാടിയില്‍ നിന്നും ഊര്‍ജ്ജം ഉള്‍ക്കൊണ്ട് തൊട്ടടുത്ത പ്രദേശങ്ങളായ പെരിങ്ങോട്,പിലാക്കാട്ടിരി, തൃത്താല എന്നിവിടങ്ങളിലെല്ലാം ട്രീഗാര്‍ഡുകള്‍ സഥാപിച്ച് മരങ്ങള്‍ നട്ടു എന്നത് വലിയൊരു വിജയമായി.പെരിങ്ങോട് നടന്ന മരം നടല്‍ പരിപാടിയില്‍ യുവനടന്‍ ബാല മരം നടാന്‍ എത്തിയത് ആവേശമായി മാറി.

ഇനിയൊരു വര്‍ഷം മുഴുവന്‍ ഞങ്ങളുടെ വിനോദം ഈ നട്ട വൃക്ഷത്തൈകളെ പരിപാലിയ്ക്കുക എന്നതാണ് . ഇതില്‍ നിന്നും ലഭിയ്ക്കുന്ന സന്തോഷം അളവറ്റതാണ്. ഈ പ്രവര്‍ത്തിയില്‍ ജനങ്ങള്‍ നല്‍കുന്ന ആദരവും അളവറ്റതാണ് .

ജനകീയ കൂട്ടായ്മ കൂറ്റനാട്

Janakeeya koottayma members

Shanmukhan - 9447241064

forester mani -9447837933,

santhosh palleeri - 9846172263

cs gopalan - 9946788668

Jithin – 9496837271

Rajan perumannur - 9946671954

subir kv – 9846581360

unni mangat - 9846202711

Viswanathan koottanad - 9946671746

kv narayanan- 9846141278

jayaprakash kongalam - 9446478580

& shinojacob

Shino jacob ഷിനോജേക്കബ്

ആ ബൈഷ്ണോയിഅമ്മ

2010-09-07T20:05:00.006+05:30

സ്വന്തം കുഞ്ഞിന് മുലയൂട്ടുമ്പോള്‍ അവിടെയെത്തിയ മാന്‍കുട്ടിയ്ക്കുകൂടി മുലപ്പാല്‍ പങ്കുവെച്ചുനല്‍കുന്ന ബൈഷ്ണോയി അമ്മയുടെ ചിത്രം അഭിനവ ഭാരതീയര്‍ കണ്ടുമനസ്സിലാക്കേണ്ടതാണ്.

തന്റെ സുഖഭോഗങ്ങള്‍ കഴിഞ്ഞുമതി മറ്റെന്തും എന്ന് കരുതുന്ന തെറ്റായ തലമുറ ജീവിച്ചുവരുന്ന ഈ നാട്ടില്‍ ബൈഷ്ണോയി പോലുള്ള സമൂഹങ്ങള്‍ എന്നെന്നും നിലനില്‍ക്കുക തന്നെ ചെയ്യും ....

15 - ാം നൂറ്റാണ്ടില്‍ ജംബോജി എന്ന ഗുരു സ്ഥാപിച്ച ബൈഷ്ണോയി മതം 29 തത്വങ്ങളില്‍ അടിസ്ഥാനമാക്കിയാണ് പ്രവര്‍ത്തിയ്ക്കുന്നത്...

രാജസ്ഥാനിലെ ജോധ്പൂര്‍ ജില്ലയിലെ ഖേജഡ് ലി എന്ന ഗ്രാമത്തിലെ വൃക്ഷസംരക്ഷണ സമരം ബൈഷ്ണോയികളുടെ ഏറ്റവും വലിയ ത്യാഗമായി ചരിത്രം രേഖപ്പെടുത്തിയിരിയ്ക്കുന്നു.

വൃക്ഷസംരക്ഷണം , വന്യജീവി സംരക്ഷണം , പരിസ്ഥിതി സംക്ഷണം തുടങ്ങിയ കാര്യങ്ങള്‍ തന്റെ ജീവനേക്കാള്‍ വലുതായി കാണുന്ന ബൈഷ്ണോയികളെക്കുറിച്ച് കൂടുതല്‍ അറിയുന്നതിന് താഴെയുള്ള ലിങ്കുകളില്‍ അമര്‍ത്തുക....

1 - http://www.bishnoi.org

2 http://en.wikipedia.org/wiki/Khejarli

3 bishnois – first ecologists photo album - http://www.franckvogel.com/uk/photo/portfolio/reportage/bishnoi/bishnoi.htm

ജംബോജി
SHINOJACOB

Shino jacob ഷിനോജേക്കബ്

ഭാരതീയപശുവര്‍ഗ്ഗങ്ങള്‍

2010-08-11T23:08:00.020+05:30

തനത് ഭാരതീയപശുവര്‍ഗ്ഗങ്ങള്‍ indiancowbreeds

വംശനാശം സംഭവിച്ച നിരവധി ജീവികളെപ്പറ്റി നാം പഠിയ്ക്കുന്നുണ്ട്.. എന്നാല്‍ ആധുനികത, വംശനാശത്തിന്റെ വക്കിലെത്തിച്ച ഒരു ജീവി കേരളത്തിലുണ്ട് . അത് നാടന്‍ പശുവാണ് .
പാലക്കാട് നാടന്‍ , വെച്ചൂര്‍ , കാസര്‍കോട് നാടന്‍ എന്നീ പശു വര്‍ഗ്ഗങ്ങള്‍ മുന്‍പ് കേരളത്തില്‍ ധാരാളമായി ഉണ്ടായിരുന്നു . എന്നാല്‍ കൂടുതല്‍ പാല്‍ ഉത്പാദിപ്പിക്കുക എന്ന ഒരു ലക്ഷ്യം മാത്രം പശുവില്‍ കണ്ടതോടെ നാടന്‍ പശു വര്‍ഗ്ഗങ്ങള്‍ ഇല്ലാതാവാന്‍ തുടങ്ങി . കേരളത്തെപ്പോലെ ഒരു ഉഷ്ണമേഖലാ പ്രദേശത്ത് , കൂടിയ ചൂടിനേയും പരുക്കന്‍ കാലാവസ്ഥയേയും പ്രതിരോധിച്ച് , മികച്ച രോഗപ്രതിരോധശേഷിയും വഹിച്ച് സസുഖം നിലനിന്നിരുന്നവയായിരുന്നു നാടന്‍ പശുക്കള്‍... ഇവയുടെ കാളകളെ നിലം ഉഴാനും വണ്ടിവലിയ്ക്കാനും ഉപയോഗിച്ചിരുന്നു .ചാണകവും മൂത്രവും മികച്ച വളമായും ഉപയോഗിയ്ക്കപ്പെട്ടു.നാടന്‍ പശുവില്‍ നിന്നുള്ള ഉത്പന്നങ്ങളായ പാല്‍ , നെയ്യ് എന്നിവ ആയുര്‍വ്വേദത്തില്‍ ചികിത്സാ ആവശ്യത്തിനായി ധാരാളമായി ഉപയോഗിച്ചിരുന്നു എന്നാല്‍ ഇന്ന് പേയ്ക്കറ്റ് പാല്‍ സംസ്കാരം വളര്‍ന്നു
നാടന്‍ പശുവിന് കുറച്ച് തീറ്റയും കുറഞ്ഞ പരിപാലനച്ചിലവും മതിയായിരുന്നു , ഇതിന് ആനുപാതികമായി മാത്രമേ പാലിലുള്ള അളവുകുറവിനെ കാണേണ്ടതുള്ളൂ....ഇവ ശരീര വലുപ്പത്തിലും ചെറുതായിരുന്നു .
എന്നാല്‍ ചില കേന്ദ്രങ്ങളില്‍ നിന്നുള്ള പ്രചരണഫലമായി യൂറോപ്പില്‍ നിന്നുള്ള പശുവര്‍ഗ്ഗങ്ങള്‍ കേരളത്തില്‍ പ്രചരിയ്ക്കപ്പെട്ടു .... കൂടുതല്‍ പാല്‍കിട്ടും എന്നത് മാത്ര മായിരുന്നു ഇവയുടെ മേന്‍മ ... തീറ്റ , പരിപാലനം എന്നിവയ്ക്ക് കൂടുതല്‍ ചിലവ് വേണ്ടിവന്നു. ഇവയ്ക്ക് രോഗപ്രതിരോധശേഷിയും കുറവായിരുന്നു. കേരളത്തിലെ പരുക്കന്‍ കാലാവസ്ഥയില്‍ നിരവധി രോഗങ്ങള്‍ ഇവയെ കീഴടക്കാന്‍ തുടങ്ങി .
യൂറോപ്പ്യന്‍ സങ്കരയിനം പശുക്കള്‍ക്ക് ഇങ്ങിനെ നിരവധി ന്യൂനതകള്‍ ഉണ്ടെങ്കിലും ഇവ കേരളത്തിലും ഭാരതത്തിലും വ്യാപകമായി പ്രോത്സാഹിയ്ക്കപ്പെട്ടു... നാടിന് യോജിയ്ക്കുന്ന നാടന്‍ പശുവിന്റെ ഗുണഗണങ്ങള്‍ മറച്ചുവെയ്ക്കപ്പെട്ടു... തന്‍മൂലം ഭാരതത്തില്‍ എഴുപതോളം ഇനം നാടന്‍ പശുവര്‍ഗ്ഗങ്ങള്‍ക്ക് വംശനാശം സംഭവിച്ചു. ഇനി മുപ്പതോളം ഇനം നാടന്‍ പശു വര്‍ഗ്ഗങ്ങളേ ഭാരതത്തില്‍ അവശേഷിയ്ക്കുന്നുള്ളൂ...
ഈ പശ്ചാത്തലത്തില്‍ ഭാരതത്തിന്റെ പല ഭാഗത്തും നാടന്‍ പശുക്കളെ സംരക്ഷിയ്ക്കുന്നതിനായി വിവിധ സംഘടനകള്‍ ശ്രമമാരംഭിച്ചിട്ടുണ്ട്... അവര്‍ നിരവധി ഗോശാലകള്‍ നടത്തുകയും ആവശ്യക്കാര്‍ക്ക് പശുക്കുഞ്ഞുങ്ങളെ സൌജന്യമായി നല്‍കുകയും ചെയ്യുന്നുണ്ട്... ഇതില്‍ പ്രധാനപ്പെട്ട ഒരു സ്ഥാപനം കര്‍ണ്ണാടകയിലെ ഹൊസനഗറിലുള്ള ശ്രീരാമചന്ദ്രപുരം മഠമാണ് ശ്രീ രാഘവേശ്വരഭാരതി സ്വാമിയാണ് ഈ മഠത്തിന്റെ അധിപന്‍ കേരളത്തിലെ ചില ഒറ്റപ്പെട്ട പ്രദേശങ്ങളില്‍ നാടന്‍ പശുക്കള്‍ വര്‍ഗ്ഗസങ്കരണത്തില്‍ ഉന്‍മൂലനം ചെയ്യപ്പെടാതെ ഇപ്പോഴും പരിരക്ഷിയ്ക്കപ്പെട്ടതായി കാണുന്നുണ്ട്...
( കലപ്പ ഞങ്ങളുടെ ഭൂമിയെ സന്തോ‍ഷപൂര്‍വ്വം ഉഴട്ടേ ......,
കലപ്പ കാളയോടൊപ്പം സന്തോഷപൂര്‍വ്വം ഉഴട്ടേ ....
കലപ്പ കാളയോടൊപ്പം സന്തോഷപൂര്‍വ്വം സഞ്ചരിയ്ക്കട്ടേ .....
മഴ സന്തോഷത്തോടെ മധുര പ്രവാഹം കൊണ്ട് -
ഭൂമി നനയ്ക്കട്ടേ .....
- ഋഗ്വേദം )

(ഭാരതത്തിലെ മറ്റു സ്ഥലങ്ങളിലെ ചില നാടന്‍ പശു വര്‍ഗ്ഗങ്ങള്‍
ഇവയുടെ പേര് അതാതിടങ്ങളുമായി ബന്ധപ്പെട്ടിരിയ്ക്കുന്നു )
സംസ്ഥാനം - പ്രദേശം- പശുവര്‍ഗ്ഗം
1.കോയമ്പത്തൂര്‍ -( കാങ്കയം ) കാങ്കയം
2. തഞ്ചാവൂര്‍ (തമിഴ് നാട് ) അബ്ലച്ചേരി
3.ഈറോഡ് (തമിഴ് നാട് ) ബാരഗൂര്‍
4.സേലം (തമിഴ് നാട് ) ആലംബാടി
5.കര്‍ണ്ണാടക ഹാലികര്‍
6.ചിക്കമംഗളൂര്‍ ( കര്‍ണ്ണാടക ) അമൃതമഹല്‍
7.ബീജാപ്പൂര്‍ ( കര്‍ണ്ണാടക ) ഖിലാരി
8.കൃഷ്ണാവാലി ( കര്‍ണ്ണാടക ) കൃഷ്ണാ
9.മലനാട് , (കര്‍ണ്ണാടക ) മലനാട്ഗിദ്ദ
10.മറാത്തവാഡാ (മഹാരാഷ്ട്ര ) ഡിയോനി
11.നെല്ലൂര്‍ ,(ആന്ധ്ര ) ഓംഗോള്‍
12.മഹാരാഷ്ട്ര- (കാന്താര്‍ ) റെഡ് കാന്താറി
13.വിദര്‍ഭ (മഹാരാഷ്ട്ര ) ഗാലോ
14.നാസിക്ക് (മഹാരാഷ്ട്ര ) ഡാന്‍ഗി
15.കച്ച് ( ഗുജറാത്ത് ) & രാജസ്ഥാന്‍ കാങ്കറേജ്
16. രാജസ്ഥാന്‍ രാത്തി
17.നാഗോര്‍ ( രാജസ്ഥാന്‍ ) നാഗോരി
18.അല്‍വാര്‍ മിവാറ്റി
19.ഹരിയാന ,ഹിസാര്‍ ഹരിയാന
20.ഗുജറാത്ത് ഗിര്‍
21.ബീഹാര്‍ ബാച്ചൂര്‍
22.(മദ്ധ്യപ്രദേശ് ),മാര്‍വ (ഗ്വാളിയോര്‍ ) മാല്‍വി
23.(നിമാര്‍ ,)നര്‍മ്മദാവാലി നികോരി

24. യുപി ( കെന്‍ നദീതീരം) കെന്‍കാത്ത, കെന്‍വാരിയ
25. യുപി ഖിരിഗാ
26.സിക്കിം സിരി
27.പിലിഭിത്ത് (യുപി ) പോന്‍വാര്‍
28.പാകിസ്താന്‍,കറാച്ചി റെഡ്സിന്ധി
29.സഹിവാള്‍,(പാകിസ്ഥാന്‍) & പഞ്ചാബ് സഹിവാള്‍

30.താര്‍പാര്‍ക്കര്‍ താര്‍ മരുഭൂമി മേഖല

(കുറച്ച് പശുവിനങ്ങളുടെ ഫോട്ടോകള്‍ കൂടി ചേര്‍ക്കുന്നു.... )

kankrej
ponwar
gaolao
vechurongole

umblachery tharparkar
kerighar

nagori
kenkathagangatiri

kasaragodlocal

baragur
malenadugiddamalvi

ശിനോജകബ്

Shino jacob ഷിനോജേക്കബ്

സുവര്‍ണ്ണതവള - Golden toad

2010-07-20T20:58:00.004+05:30

സുവര്‍ണ്ണതവള – ഒരു മുന്നറിയിപ്പ്

Bufo periglenes -ശാസ്ത്രീയനാമം

(Also: Monteverde toad)

കോസ്റ്ററിക്കയിലെ മഴക്കാടുകളില്‍ ജീവിച്ചിരുന്ന സുവര്‍ണ്ണതവള 1966 ലാണ് ആദ്യമായി ശാസ്ത്രരേഖകളില്‍ ഉള്‍പ്പെട്ടത് . എന്നാല്‍ 1989 ആയപ്പോഴേയ്ക്കും ഒരെണ്ണംപോലും ജീവിച്ചിരുപ്പില്ല എന്ന നിലയിലേയ്ക്ക് ഇവ എത്തിച്ചേര്‍ന്നു

പ്രകൃതിയില്‍ നിന്നും ഒരു ജീവി വര്‍ഗ്ഗം എത്ര പെട്ടെന്നാണ് തുടച്ചുനീക്കപ്പെട്ടതെന്നത് മനുഷ്യന് ഒരു മുന്നറിയിപ്പാണ്

സുവര്‍ണ്ണതവളയക്കുറിച്ച് കൂടുതല്‍ വിവരങ്ങള്‍ക്ക് താഴെയുള്ള ലിങ്കുകളില്‍ അമര്‍ത്തുക

http://en.wikipedia.org/wiki/Golden_toad

http://www.global-greenhouse-warming.com/extinct-golden-toad.html

http://animaldiversity.ummz.umich.edu/site/accounts/information/Bufo_periglenes.html

Shino jacob ഷിനോജേക്കബ്

സിയാറ്റിന്‍മൂപ്പന്റെ കത്ത്

2010-07-11T23:32:00.004+05:30

ഭൂമിയെപ്പറ്റി ഒരു പഴയ സത്യവാങ്ങ്മൂലം...
( ചുവന്ന ഇന്‍ഡ്യക്കാരുടെ സിയാറ്റിന്‍ മൂപ്പന്‍ അമേരിക്കന്‍ പ്രസിഡന്റിന് 1854 ല്‍ എഴുതിയ ഈ കത്ത് ഇന്നും പ്രസക്തമാണ് )
ഞങ്ങളുടെ ഭൂമി വാങ്ങാനാശിയ്ക്കുന്നെന്ന് വാഷിങ്ങ്ടണില്‍ നിന്നും പ്രസിഡന്റ് അറിയിച്ചിരിക്കുന്നു . പക്ഷേഎങ്ങനെയാണ് ആകാശവും ഭൂമിയും വില്‍ക്കാനും വാങ്ങാനുമാവുക ? അത്തരമൊരാശയം തന്നെ വിചിത്രമായിതോന്നുന്നു.കാറ്റിന്റെ ചൈതന്യവും ജലത്തിന്റെ ദീപ്തിയും നമ്മുടേതല്ലെങ്കില്‍ , പിന്നെങ്ങിനെ നമുക്കവയെവില്‍ക്കാനും വാങ്ങാനുമാവുക ?
ഞങ്ങളുടെ ആള്‍ക്കാര്‍ക്ക് ഭൂമിയുടെ ഓരോ ഇഞ്ചും പവിത്രമാണ് .പൈന്‍ മരത്തിന്റെ തിളങ്ങുന്ന ഓരോ സൂചിയിലയുംഓരോ മണല്‍ത്തരിയും ഇരുണ്ട കാടുകളെ മൂടുന്ന ഓരോ മഞ്ഞുതുള്ളിയും ഓരോ പുല്‍ക്കൊടിത്തുമ്പും ഓരോപ്രാണിയും ഞങ്ങളുടെ ഓര്‍മ്മയിലും അനുഭവത്തിലും വിശുദ്ധമാണ്.
മരങ്ങളിലൂറുന്ന നീരിനെ , ഞരമ്പുകളിലോടുന്ന രക്തത്തെപ്പോലെ ഞങ്ങള്‍ക്കറിയാം.ഞങ്ങള്‍ ഭൂമിയുടെ ഭാഗമാണ് ; ഭൂമി ഞങ്ങളുടേതും. സുഗന്ധമോലുന്ന പൂക്കള്‍ ഞങ്ങള്‍ക്ക് സഹോദരിമാരാണ് ;കരടി , മാന്‍ , പരുന്ത് എന്നിവയെല്ലാംസഹോദരന്‍മാരും . കരിമ്പാറക്കെട്ടുകളും പുല്‍ക്കൊടികളും കുതിരക്കുട്ടികളും മനുഷ്യനും ഒരേ കുടുംബത്തിലെഅംഗങ്ങളാണ്.
അരുവികളിലൂടെയും പുഴകളിലൂടെയുമൊഴുകുന്ന തിളങ്ങുന്ന ജലം വെറും ജലമല്ല , ഞങ്ങളുടെ പൂര്‍വ്വികരുടെജീവരക്തമാണത് .ഞങ്ങള്‍ ഭൂമി വില്‍ക്കുകയാണെങ്കില്‍ നിങ്ങളോര്‍ക്കണം , അത് പവിത്രമാണെന്ന് . അരുവികളിലെ സ്വച്ഛന്ദമായ ജലത്തിലെ പ്രകാശമോലുന്ന ഓരോ പ്രതിഫലനവും ഒരായിരം ഓര്‍മ്മകള്‍വിളിച്ചുപറയുന്നുണ്ട് .അരുവികളിലെ മര്‍മ്മരത്തിലൂടെ സംസാരിയ്ക്കുന്നത് എന്റെ പിതാമഹന്‍മാരാണ്.
പുഴകള്‍ ഞങ്ങളുടെ സഹോദരന്‍മാരാണ്. ഞങ്ങളുടെ ദാഹമകറ്റുന്നര് അവരാണ് .ഞങ്ങളുടെ ചിറ്റോടങ്ങളെഒഴുക്കുന്നവര്‍ , ഞങ്ങളുടെ കുഞ്ഞുങ്ങളെ പോറ്റുന്നവര്‍ , അതുകൊണ്ടുതന്നെ ഒരു സഹോദരനു നല്‍കേണ്ട സ്നേഹവുംദയാവായ്പും പുഴകള്‍ക്കും നല്‍കേണ്ടതുണ്ട്.
ഞങ്ങളുടെ വികാരങ്ങള്‍ നിങ്ങള്‍ക്ക് മനസ്സിലാവണമെന്നില്ല . നിങ്ങള്‍ക്ക് ഭൂമിയെന്നാല്‍ അത്രയുംമണ്ണാണ്,നിങ്ങള്‍ക്കാവശ്യമുള്ളതെടുക്കാവുന്ന , വിറ്റഴിയ്ക്കാവുന്ന വെറും മണ്ണ് .ഭൂമിയ്ക്ക് നിങ്ങളും നിങ്ങള്‍ക്ക് ഭൂമിയുംഅപരിചിതരാണ് .നിങ്ങള്‍ക്ക് ഭൂമിയൊരു ശത്രുവാണ് .അടിച്ചൊതുക്കേണ്ട , കാല്‍ക്കീഴിലമര്‍ത്തേണ്ട ഒരുപ്രതിയോഗി , അതിനെ എന്നും ജയിച്ച് മുന്നേറുമ്പോള്‍ നിങ്ങള്‍ മറന്നുപോകുന്ന ഒരു കാര്യമുണ്ട് - നിങ്ങളുടെഅമ്മയെത്തന്നെയാണ് നിങ്ങള്‍ കൊള്ളയടിയ്ക്കുന്നതെന്ന് . പോക്രാം , പോക്രാം എന്നൊച്ചവെയ്ക്കുന്ന തവളകള്‍ , നാടുചുറ്റുന്ന ദേശാടനക്കിളികള്‍ , ഇവയൊന്നുമില്ലാതെ എന്ത് ജീവിതം ? ഞാന്‍പരിഷ്കാരമില്ലാത്തവനായതുകൊണ്ടാവാം മറിച്ചുചിന്തിക്കാനാവാത്തത്.
ജീവിതചക്രത്തിന്റെ നൈരന്തര്യങ്ങള്‍ ഞങ്ങള്‍ക്ക് അജ്ഞാതമാണ് . കാട്ടുപോത്തുകളെ കൂട്ടത്തോടെകൊന്നൊടുക്കുന്നത് , കാട്ടുകുതിരകളെ മെരുക്കുന്നത് , വിളഞ്ഞ വയലുകള്‍ സംസാരിയ്ക്കുന്ന കമ്പികളാല്‍മാഞ്ഞേപോകുന്നത് , കാടിന്റെ നിഗൂഢതകള്‍ അപരിചിതരായ മനുഷ്യരുടെ ഗന്ധത്താല്‍ നിറയുന്നത് - ഒന്നുംഞങ്ങള്‍ക്ക് മനസ്സിലാവുന്നില്ല .
തുടുത്ത കാട്ടുപഴങ്ങള്‍ നിറഞ്ഞ കുറ്റിക്കാടുകളെവിടെ ? കാട്ടുപരുന്തുകള്‍ എവിടെ ? ജീവിതത്തിന്റെ അവസാനവുംഅതിജീവനത്തിന്റെ ആരംഭവുമാണിതെന്ന് തോന്നുന്നു.
പൈനിന്റെ മണമുള്ള കാറ്റ് എനിക്കിഷ്ടമാണ് .അരുവികളെ തഴുകിവരുന്ന കുളിര്‍കാറ്റ് അത്രമേല്‍ ശുദ്ധമാണ് . ഞങ്ങള്‍ ഭൂമി വില്‍ക്കുകയാണെങ്കില്‍ നിങ്ങളോര്‍ക്കണം വായു ഞങ്ങള്‍ക്ക് അമൂല്യമാണെന്ന് . ജീവനിലെല്ലാംവായുവിന്റെ ചൈതന്യമുണ്ട് . ഞങ്ങളുടെ പൂര്‍വ്വികരുടെ ആദ്യശ്വാസവും അന്ത്യനിശ്വാസവും ഏറ്റുവാങ്ങിയത് ഈകാറ്റാണ് . കുഞ്ഞുങ്ങളുടെ ചേതനയൂതി തെളിയിയ്ക്കുന്നതും ഇതേ കാറ്റുതന്നെ. അതുകൊണ്ട് ഞങ്ങള്‍ ഭൂമിവില്‍ക്കുകയാണെങ്കില്‍തന്നെ നിങ്ങളത് പരിശുദ്ധമായി സൂക്ഷിയ്ക്കണം - പൂമ്പൊടി നിറഞ്ഞ കാറ്റ് ആസ്വദിയ്ക്കാവുന്നഒരിടമായി അതിനെ കാത്തുരക്ഷിയ്ക്കണം .
ഞങ്ങള്‍ കുഞ്ഞുങ്ങളെ പഠിപ്പിച്ചതെന്തോ അത് നിങ്ങളുടെ കുഞ്ഞുങ്ങളെയും പഠിപ്പിയ്ക്കാമോ ? ഭൂമി നമ്മുടെഅമ്മയാണെന്ന് . ഭൂമിയ്ക്കുമേല്‍ പതിയ്ക്കുന്നതെന്തോ അത് അവളുടെ സന്തതികള്‍ക്കുമേലും നിപതിയ്ക്കുമെന്ന്
. നാമറിഞ്ഞിരിയ്ക്കണം ; ഭൂമി മനുഷ്യരുടേതല്ല , മനുഷ്യന്‍ ഭൂമിയുടേതാണ് . നമ്മേ ഒന്നാക്കി നിര്‍ത്തുന്നരക്തത്തെപ്പോലെ എല്ലാവസ്തുക്കളും പരസ്പരബന്ധിതങ്ങളാണ് . മനുഷ്യര്‍ ഉയിരിന്റെ വല നെയ്യുന്നില്ല ,

അവനതിലൊരിഴ

മാത്രം . ഉയിരിന്റെ വലയോടവന്‍ ചെയ്യുന്നതെന്തോ അത് അവനോടുതന്നെയാണ് ചെയ്യുന്നത്

Shino jacob ഷിനോജേക്കബ്

വൃക്ഷസ്നേഹിയായ ഷണ്‍മുഖേട്ടന്‍

2010-04-27T14:27:00.010+05:30

2008- നവംബര്‍ മാസത്തിലെപ്പോഴോ ഒരു വൈകുന്നേരം ഞാന്‍ കൂറ്റനാട് സെന്ററില്‍ബസ്സിറങ്ങിയപ്പോള്‍ കണ്ട സന്തോഷകരമായ ഒരു കാഴ്ചയായിരുന്നു ഞാനും ഷണ്‍മുഖേട്ടനും തമ്മിലുള്ളപരിചയത്തിന് തുടക്കമായത്.
അതായത് സെന്ററില്‍ ഗുരുവായൂര്‍ റോഡിനോരത്ത് രണ്ട് തൈമരങ്ങള്‍ നട്ട് ,അതിന് സംരക്ഷണത്തിനായിടയറുകള്‍ സ്ഥാപിച്ചിരിയ്ക്കുന്നു . ഞാന്‍ സന്തോഷപൂര്‍വ്വം അത് ചെയ്തതാരാണെന്ന് അന്വേഷിച്ചു.തൊട്ടടുത്ത് മുറുക്കാന്‍കട നടത്തുന്ന രാജനാണ് ആ പുണ്യകര്‍മ്മം ചെയ്തതെന്നറിഞ്ഞ് ഞാന്‍ അദ്ദേഹത്തില്‍ നിന്നും വിവരങ്ങള്‍ആരാഞ്ഞു. അദ്ദേഹമാണ് ആ പ്രവര്‍ത്തനത്തിന് പ്രേരകമായ കൂറ്റനാട്ടെ പൊതു - രാഷ്ട്രീയ പ്രവര്‍ത്തകന്‍ കൂടിയായഷണ്‍മുഖേട്ടനെ പരിചയപ്പെടുത്തിയത്.
രാഷ്ട്രീയക്കാന്റെ കര്‍ക്കശ മുഖഭാവമാണെങ്കിലും മാനവികതയുടെ ശക്തമായ ആശയം കൈമുതലായുള്ള ആളാണ്ഷണ്‍മുഖേട്ടന്‍ .ഏത് പാര്‍ട്ടിക്കാരനാണെങ്കിലും ,ഏത് ആശയക്കാരനാണെങ്കിലും അവര്‍ ചെയ്യുന്ന നല്ലപ്രവര്‍ത്തികളെ അംഗീകരിയ്ക്കുക എന്നത് ഷണ്‍മുഖേട്ടന്റെ രീതിയാണ് .
പരിചയപ്പെട്ടതിന്റെ അന്ന് വൈകുന്നേരം ഞങ്ങള്‍ കുറച്ച്നേരം സംസാരിച്ചപ്പോള്‍ അദ്ദേഹം പറഞ്ഞത് ,കൂറ്റനാട്സെന്ററില്‍ നിന്നും ഒരു കിലോമീറ്റര്‍ അകലെയുള്ള ന്യൂ ബസാര്‍ വരെ മരങ്ങള്‍ നടണമെന്നതായിരുന്നു .ഞാന്‍ അത്മനസ്സില്‍ സൂക്ഷിച്ചു.ആ വര്‍ഷം ഞങ്ങള്‍ പട്ടാമ്പി റോഡിലും എളവാതില്‍ക്കല്‍ ക്ഷേത്രമൈതാനിയിലുമായി 75 മരങ്ങള്‍ നട്ടിരുന്നു .
2009 മെയ് മാസത്തില്‍ , മഴക്കാലത്ത് മരങ്ങള്‍ നടുന്നതിനേപ്പറ്റി ആലോചിയ്കുകയും ഷണ്‍മുഖേട്ടന്റെ നേതൃത്വത്തില്‍കമ്മറ്റി രൂപീകരിക്കുകയും ചെയ്തു. ഷണ്‍മുഖേട്ടന്‍ തന്നെ മുന്‍കൈയെടുത്ത് ksfe,ചാലിശ്ശേരി സഹകരണബേങ്ക് , പാലക്കാട് ജില്ലാ സഹകരണ ബേങ്ക് , തുടങ്ങി നിരവധി സ്ഥാപനങ്ങളെക്കൊണ്ടും വ്യക്തികളെക്കൊണ്ടും 300 രൂപനിരക്കില്‍ ട്രീഗാര്‍ഡുകള്‍ സ്പോണ്‍സര്‍ ചെയ്യിച്ചു .ആകെ 114 ട്രീഗാര്‍ഡുകള്‍ കിട്ടി .അങ്ങിനെ 2009 ജൂണ്‍- ജൂലൈമാസത്തില്‍ മരങ്ങള്‍ നടല്‍ പൂര്‍ത്തിയാക്കി .
തുടര്‍ പരിചണം , അതിനും ഷണ്‍മുഖേട്ടന്‍ മുന്നിലുണ്ടായിരുന്നു .ചെടികള്‍ക്കിടയിലെ കള പറിയ്ക്കാനും ,അവയ്ക്ക് വളംനല്‍കാനും ഷണ്‍മുഖേട്ടന്‍ സമയം കണ്ടെത്തിയിരുന്നു .
വേനല്‍ക്കാലം പിറക്കുന്നതിന് മുന്‍പേ ഷണ്‍മുഖേട്ടന്‍ പറഞ്ഞിരുന്നു ഈ വേനല്‍ക്കാലത്ത് തൈ മരങ്ങള്‍ക്ക് വെള്ളംനനയ്ക്കണമെന്ന്, കാരണം ഒരു വേനല്‍ കടന്നുകിട്ടിയാല്‍പ്പിന്നെ തൈമരങ്ങളുടെ പരിചരണത്തില്‍ആശങ്കപ്പെടേണ്ടതില്ല .... കൂട് ഓട്ടോറിക്ഷയില്‍ ടാങ്ക് കയറ്റിവച്ച് അതില്‍ വെള്ളം നിറച്ച് ചെടികള്‍ക്ക് ചുവട്ടില്‍ഹോസ് ഉപയോഗിച്ച് വെള്ളം എത്തിയ്ക്കുക എന്നതായിരുന്നു ആദ്യത്തെ പദ്ധതി , ഇതിനായി കൂറ്റനാട്പുതിയയ‍തായി തുടങ്ങിയ ഷാലിമാര്‍ എന്ന വീല്‍ അലൈന്‍മെന്റ് കടക്കാരെക്കൊണ്ട് രണ്ട് ഫൈബര്‍ ടാങ്കുകള്‍ഷണ്‍മുഖേട്ടന്‍ സ്പോണ്‍സര്‍ ചെയ്യിച്ചു. ആയത് വെട്ടാനും പൈപ്പ് സ്ഥാപിയ്ക്കാനും അദ്ദേഹം തന്നെ ആളുകളെഏര്‍പ്പെടുത്തി. എന്നാല്‍ ഞായറാഴ്ച്ചകളിലും മറ്റും വെള്ളം നനയ്ക്കാന്‍ പോകാന്‍ കൂട് ഓട്ടോറിക്ഷക്കാര്‍ മടിപറയാന്‍തുടങ്ങി .ദിവസം 1-2 മണിക്കൂര്‍നേരത്തെ പണി അര ലിറ്റര്‍ ഇന്ധനം പോലും ചിലവാകുകയുമില്ല , ഞങ്ങള്‍ കൂടിയസംഖ്യ കൊടുക്കുകയും ചെയ്തു .അവര്‍ മടിപറയുന്നത് ഞങ്ങളെ ഒരു വണ്ടി വാങ്ങുന്നതിലേയ്ക്കാണ് എത്തിച്ചത് .
പരുക്കന്‍ വഴികളിലൂടെ ഭാരവും വഹിച്ച് സഞ്ചരിയ്ക്കാന്‍ കഴിയുന്ന വാഹനം എന്നനിലയില്‍ ഞാന്‍ ജീപ്പിനാണ്മുന്‍തൂക്കം നല്‍കിയത് . എന്റെ ആഗ്രഹം ഷണ്‍മുഖേട്ടന്റെ ചെവിയിലുമെത്തി.അദ്ദേഹം തന്റെ വിപുലമായബന്ധങ്ങള്‍ ഉപയോഗിച്ചു. ഒരാഴ്ചക്കുള്ളില്‍ അദ്ദേഹത്തില്‍ നിന്നും വിവരം കിട്ടി , പിറ്റേന്ന് രാവിലെകക്കാട്ടിരിയിലേയ്ക്ക് വണ്ടി കാണാന്‍ പോകണം ... ‍ഞാനും സന്തോഷേട്ടനും ഷണ്‍മുഖേട്ടനും കക്കാട്ടിരിയിലേയ്ക്കതിരിച്ചു. പഴയ ജീപ്പാണ്, എന്നാല്‍ മിനുക്കുപണിയൊക്കെ ചെയ്ത് കുട്ടപ്പനാക്കിയിരിയ്ക്കുന്നു .വണ്ടിയുടെ പഴക്കം കണ്ട്ഞാനൊന്ന് മടിച്ചപ്പോള്‍സന്തോഷേട്ടനും ഷണ്‍മുഖേട്ടനും നിര്‍ബന്ധിച്ചു..... അവസാന വാക്കായി ഷണ്‍മുഖേട്ടന്‍പറഞ്ഞത് ഇപ്രകാരമായിരുന്നു.തനിയ്ക്ക് വേണ്ടെങ്കില്‍ ഇപ്പോള്‍ വേണ്ടെന്ന് പറയണം .... പകരം ഈ വണ്ടി ഞാന്‍വാങ്ങിക്കോളാം....വെറും കയ്യോടെ പോയ ഞാന്‍ അന്തംവിട്ട് നില്‍ക്കുമ്പോള്‍ ഷണ്‍മുഖേട്ടന്‍ പോക്കറ്റില്‍ നിന്നും 5000രൂപയെടുത്ത്്വണ്ടിയ്ക്ക് അഡ്വാന്‍സ് കൊടുത്തു. തുടര്‍ന്ന് അദ്ദേഹം വണ്ടിയെടുത്ത് പോരുകയാണ് ചെയ്തത് . ഇപ്പോള്‍ വണ്ടി ഞങ്ങള്‍ കൂറ്റനാട്ടെ മരങ്ങളുടെ പരിചരണത്തിന് ഉപയോഗിയ്ക്കുന്നു . ഇപ്പോള്‍ അവധി ദിനങ്ങളില്‍ഞാന്‍ വിളിയ്ക്കാന്‍ മറന്നാലും ഷണ്‍മുഖേട്ടന്‍ ഇങ്ങോട്ട് വിളിയ്ക്കും , ഇന്ന് മരങ്ങള്‍ക്ക് നനയ്ക്കാന്‍ പോകുന്നില്ലേ എന്ന്ചോദിയ്ക്കും....
വൃക്ഷങ്ങളുടെ സംരക്ഷണക്കാര്യത്തില്‍ ഷണ്‍മുഖേട്ടന്‍ വളരെ ഉഷാറാണ് ... പാതയോരങ്ങളിലെ വൃക്ഷത്തൈകളെവെട്ടിയോ മറ്റോ നശിപ്പിയ്ക്കുമ്പോഴോ മരങ്ങള്‍ക്ക് ചുവട്ടില്‍ തീയിട്ട് മരങ്ങള്‍ക്ക് ഹാനി ഉണ്ടാകാന്‍ ഇടയാകുമ്പോഴോഅദ്ദേഹം ശക്തമായി പ്രതികരിയ്ക്കുന്നു .... ആളുകളെ തിന്‍മയുടെ ഭാഗത്തുനിന്നും നന്മയുടെ ഭാഗത്തേയ്ക്ക് നയിയ്ക്കുന്നു.
ഷണ്‍മുഖേട്ടന്‍ എപ്പോഴും പറയുന്ന ഒരു വാചകം ഇതാണ്- ഇപ്പോള്‍ നാം അനുഭവിയ്ക്കുന്ന തണലും സൌകര്യങ്ങളുംനമ്മുടെ പൂര്‍വ്വികരുടെ പ്രയത്നംകൊണ്ടുണ്ടായതാണ് , ആയതിനാല്‍ നമ്മുടെ കാലത്ത് കുറച്ച് മരങ്ങള്‍ നട്ടുപിടിപ്പിയ്ക്കുകഎന്നത് വരും തലമുറയ്ക്ക് വേണ്ടി ചെയ്യേണ്ടുന്ന കടമയാണ് .ഈ ചെറിയ ജീവിതത്തില്‍ നമ്മുടെ കയ്യൊപ്പ്എവിടെങ്കിലും പതിഞ്ഞുകിടക്കട്ടേ.... -
മുതിര്‍ന്ന ആളുകളുടെ കൂട്ടത്തില്‍ നിസ്വാര്‍ത്ഥനായ തികഞ്ഞ ഒരു പ്രകൃതിസ്നേഹിയുടെ മുഖമാണ് ഞാന്‍ഷണ്‍മുഖേട്ടനില്‍ കാണുന്നത്.... പൊതുകാര്യങ്ങള്‍ക്ക് ,സ്വകാര്യ ആവശ്യങ്ങള്‍ മാറ്റിവെച്ച് ഷണ്‍മുഖേട്ടന്‍മുന്നിലുണ്ടാവും
വരും വര്‍ഷങ്ങളിലും ഷണ്‍മുഖേട്ടന്റെ കരുത്തുറ്റ കൈകള്‍ കൂറ്റനാട്ടെ പാതയോരങ്ങളില്‍ ധാരാളം മരങ്ങള്‍ മുളച്ച്പൊന്തുന്നതിന് ഇടയാക്കും.നാം ആ തണലത്തിരുന്നില്ലെങ്കിലും വരും തലമുറ ആ തണലത്ത് എല്ലാം മറന്നിരിയ്ക്കുംഅവര്‍ ഷണ്‍മുഖേട്ടനെപ്പോലുള്ളവരെ എന്നും ഓര്‍മ്മിയ്ക്കും .....
കാലത്തിന്റെ കുത്തൊഴുക്കില്‍ തന്റെ കയ്യൊപ്പ് പതിപ്പിയ്ക്കാന്‍ ഷണ്‍മുഖേട്ടന്റെ പ്രവര്‍ത്തനങ്ങള്‍ക്ക് കഴിഞ്ഞിട്ടുണ്ട്.....ഷണ്‍മുഖേട്ടന്റെ മൊബൈല്‍ - 9447241064

Shino jacob ഷിനോജേക്കബ്

വേനല്‍ച്ചൂടിനെ എന്തിന് പഴിയ്ക്കണം

2010-04-01T21:41:00.005+05:30

കത്തിക്കാളുന്ന വേനല്‍ച്ചൂടില്‍ ഉരുകിയൊലിയ്ക്കുന്ന മനുഷ്യര്‍ വേനലിനെ പഴിയ്ക്കുന്നു . എന്നാല്‍ വേനല്‍ച്ചൂടില്‍ നിന്നുംരക്ഷനേടാനുള്ള പ്രകൃതിദത്തമാര്‍ഗ്ഗങ്ങള്‍ മനുഷ്യര്‍ ഉപയോഗിയ്ക്കുന്നില്ല , തന്നെയുമല്ല വേനലില്‍ സ്വയം വേകാനുള്ളനടപടികള്‍ കൈക്കൊള്ളുകയും ചെയ്യുന്നു...
ഇടുങ്ങിയ കോണ്‍ക്രീറ്റ് മുറികളില്‍ ഇരിയ്ക്കുന്നവര്‍ ജനാലകള്‍ തുറന്നിടുന്നില്ല .... അല്‍പം ശുദ്ധവായു കയറിമുറിക്കുള്ളിലെ ചൂടുവായുവിനെ പുറത്തുകളയാന്‍ അനുവദിയ്ക്കുന്നതിന് പകരം മറ്റു മനുഷ്യര്‍ കയറി വരാതിരിയ്ക്കാനായിവാതിലും ജനലും കൊട്ടിയടയ്ക്കുന്നു...
അടച്ചിട്ടമുറികളില്‍ വെളിച്ചത്തിനായി വൈദ്യുതി വിളക്കുകള്‍ തെളിയിക്കുന്നത് വീണ്ടും ചൂടുകൂട്ടുന്നു... പരിഷ്കാരത്തിന്റെ ഭാഗമായി കെട്ടിടം മൊത്തം ചില്ലിട്ടുമൂടുന്നതും ചൂടുകൂടാന്‍ ഇടയാക്കുന്നു ... പോരാഞ്ഞ്
മുറ്റത്തെ മരം വെട്ടിക്കളയുന്നത് കരിയില വീഴുന്നത് ഒഴിവാക്കാന്‍ ... തൈമരത്തെ പിഴുതെറിയുന്നത് ഭാവിയില്‍കെട്ടിടത്തിന് മേലേയ്ക്ക് പൊട്ടിവീഴാതിരിയ്ക്കാന്‍ ....
വന്യമൃഗങ്ങളെ നോക്കുക , ചൂടുകൂടുന്നേരം അവ വെള്ളത്തില്‍ മുങ്ങിക്കിടക്കുന്നു, കുളിയ്ക്കുന്നു...തണുത്ത്
മതിയാവുമ്പോള്‍ കയറിപ്പോകുന്നു... തോന്നുമ്പോഴെല്ലാം വെള്ളം കുടിയ്ക്കുന്നു ..... മനുഷ്യരാവട്ടെ തണുത്ത വെള്ളംകുടിയ്ക്കാന്‍ കഴിയാത്ത രോഗികളും ഇടയ്ക്കൊന്ന് ശരീരം നനയ്ക്കാന്‍ കഴിയാത്ത കോട്ട് - സൂട്ട് ധാരികളും..... ഓഫീസുകളിലും മറ്റും ഇടയ്ക്കൊന്ന് ശരീരം നനയ്ക്കാനുള്ള സൌകര്യം ഉണ്ടെങ്കില്‍ എന്തൊരാശ്വാസമാകുമായിരുന്നു
ദിവസത്തില്‍ കുളിയ്ക്കുന്ന നേരത്ത് മാത്രമേ ശരീരം നനയ്ക്കുകയുള്ളൂ എന്ന വാശിയിലാണ് മനുഷ്യര്‍.... ഉച്ചനേരത്തൊന്ന്ശരീരം നനച്ചാല്‍ എന്തൊരാശ്വാസം കിട്ടും .....
മനുഷ്യര്‍ പ്രകൃതിയില്‍ നിന്നും വളരെയധികം അകലുകയാണ്.... ആയതിനാല്‍ തണുപ്പ്, മഴ,മഞ്ഞ്,വെയില്‍തുടങ്ങിയ പ്രകൃതിയുടെ പ്രതിഭാസങ്ങളെല്ലാം മനുഷ്യന് അഹിതമാവുകയും ചെയ്യുന്നു

(അഥീനയും ആദിത്യനും വേനല്‍ക്കാല കുളിയില്‍)

Shino jacob ഷിനോജേക്കബ്

വീണ്ടും കല്ലാന...

2010-04-01T19:58:00.007+05:30

അഗസ്ത്യകൂടവനങ്ങളില്‍ ഉണ്ട് എന്ന് വിശ്വസിയ്ക്കപ്പെടുന്ന കല്ലാന ( തുമ്പിയാന ) എന്ന് വിളിയ്ക്കുന്ന കുള്ളന്‍ ആനവര്‍ഗ്ഗത്തെപ്പറ്റി വീണ്ടും റിപ്പോര്‍ട്ട് ....

ആനകളുടെ വര്‍ഗ്ഗത്തില്‍പ്പെട്ട , എന്നാല്‍ ഒരു കുട്ടിയാനയുടെ മാത്രം വലുപ്പമുള്ള ഈ ജീവിയെ അഗസ്ത്യകൂടവനങ്ങളിലെ കാണി എന്ന ആദിവാസി വിഭാഗത്തിന് സുപരിചിതമാണ്. എന്നാല്‍ ആധുനിക ശാസ്ത്രം ഇപ്പോഴും ഇങ്ങിനെയൊരു ജീവി ഉള്ളതായി അംഗീകരിച്ചിട്ടില്ല .

കുറച്ച് വര്‍ഷം മുന്‍പ് സാലിപാലോട് എന്ന വന്യജീവി ഫോട്ടോഗ്രാഫര്‍ ഈ ജീവിയുടെ ഫോട്ടോ എടുത്തിരുന്നു . ആയതിനുശേഷം അജന്തബെന്നി എന്ന ഫോട്ടോഗ്രാഫര്‍ എടുത്ത ചിത്രം സഹിതം 20-03-2010 ന് മലയാളമനോരമ റിപ്പോര്‍ട്ട് നല്‍കിയിരിയ്ക്കുന്നു .

2008 ല്‍ ഞാന്‍ അഗസ്ത്യകൂടം സന്ദര്‍ശിച്ചപ്പോള്‍ ഈ ജീവിയുടേതെന്ന് കരുതുന്ന കാലടയാളവും പിണ്ടവും കണ്ടിരുന്നു .സാധാരണ ആനകള്‍ക്ക് കയറിച്ചെല്ലാന്‍ കഴിയാത്ത ചെങ്കുത്തായ മലനിരകളിലും ,ഇടുങ്ങിയ പാറക്കെട്ടുകള്‍ക്കിടയിലുമെല്ലാം ഇവയുടെ കാലടയാളവും പിണ്ടവും കണ്ടിരുന്നു ....കാലടയാളത്തിന്റെ വലുപ്പം വലിയ ആനയുടേതിന് പകുതി മാത്രമേ ഉണ്ടായിരുന്നുള്ളൂ ..ആനപ്പിണ്ടത്തിന്റെ വലുപ്പവും കുറവായിരുന്നു.

കാടുകള്‍ നമുക്ക് നിര്‍വ്വചിയ്ക്കാന്‍ കഴിയാത്തത്ര വൈവിധ്യം നിറഞ്ഞതാണ്. അവിടെ മനുഷ്യന്റെ ശാസ്ത്രക്കണ്ണില്‍പ്പെടാത്ത നിരവധി ജീവികളും സസ്യങ്ങളുമുണ്ടാവും .... കിഴക്കനേഷ്യന്‍ രാജ്യങ്ങളിലെ ഹരിതവനങ്ങളില്‍ നിന്നും പുതിയ ജീവികളെ കണ്ടെത്തിയ നിരവധി വാര്‍ത്തകള്‍ വന്നുകൊണ്ടിരിയ്ക്കുന്നു. നമ്മുടെ വനങ്ങളില്‍ നിന്നും നിരവധിയിനം തവള വര്‍ഗ്ഗങ്ങളെ അടിയ്ക്കടി കണ്ടെത്തുന്നുണ്ട്.... ലോകത്തില്‍ വംശനാശം സംഭവിച്ചു എന്ന് കരുതിയ പല ജീവികളും തിരിച്ചെത്തുന്നു. മൂന്നാറിലെ മുതുവാന്‍മാരുടെ കഥകളിലുണ്ടായിരുന്ന പൊകയന്‍ പുലി ഒടുവില്‍ വനം വകുപ്പിനാല്‍ അംഗീകരിയ്ക്കപ്പെട്ടല്ലോ...

കല്ലാന അപ്രകാരം ഒരു ജീവിയാകാന്‍ ഇടയുണ്ട്.... മനുഷ്യന്റെ ശാസ്ത്രലോകത്തിന്റെ കാണാമറയത്ത് , അഗസ്ത്യകൂട വന നിരകളുടെ സുരക്ഷിതത്വത്തില്‍ അവന്‍ വിലസി നടക്കുന്നു .....നാളെ ഒരുനാള്‍ കല്ലാനയെ ശാസ്ത്രലോകം അംഗീകരിയ്ക്കും.... അതോടെ കല്ലാന ഒരു അപൂര്‍വ്വ ജീവിയായി മാറും.....

Shino jacob ഷിനോജേക്കബ്

Tharparkar cow

2010-03-10T23:35:00.007+05:30

Tharparkar cow is a traditional indian cow specious . the habitat of this specious is thar desert of india. Tharparkar , is name of a town situated in pakistan near to thar desert. Now this animal seen in rajasthan to ran of kutch in gujarath . Many indian cow specious are extinct by cross breading but tharparkar survived . The plus point of this cow is it living hostile conditions .

Shino jacob ഷിനോജേക്കബ്

Athirappilly Waterfalls....

2010-03-08T23:30:00.005+05:30

Athirappilly Waterfalls situated in westernghat forest area , in Thrissur district , kerala state , India.... Athirappilly is one of the important evergreen forest of kerala state.

Now kerala government planned to construct a dam here to produce electricity , it will affect the water falls and tribals , who are living in the forests . They may lost their land and home . Dam will distruct natural habitat of wild animals , elephants, hornbills etc...

now the environmental activists are protesting against the dam... they are on strike , many political parties in same way... the central government of India Not interested with the dam project.The approval from central goverment is must...

the environmental activists and nature lovers of kerala waiting for the Green desesion of central government

വംശ ശുദ്ധീകരണത്തില്‍ നിന്നും രക്ഷപ്പെട്ടവര്‍...

2010-02-24T22:27:00.008+05:30

ഹരിത വിപ്ലവത്തോടൊപ്പം വന്ന ധവളവിപ്ലവം തനത് ഭാരതീയ ഇനം പശു വര്‍ഗ്ഗങ്ങളെ ഇല്ലാതാക്കി ....
കൂടുതല്‍ പാല്‍ നല്‍കില്ലെന്ന കാരണത്താല്‍ മൃഗ സംരക്ഷണക്കാര്‍ നാടന്‍ പശുക്കളെ തെരഞ്ഞുപിടിച്ച് സങ്കരയിനങ്ങളാക്കി . ആരെങ്കിലും നാടന്‍ മൂരികളെ വളര്‍ത്തിയാല്‍ അവരെ ജയിലിലടയ്ക്കാനും മൂരികളുടെ വരിയുടയ്ക്കാനും നിയമമുണ്ടാക്കി ....
ധവളപിപ്ലവക്കാര്‍ ഗ്രാമങ്ങള്‍തോറും കയറിയിറങ്ങി , നാടന്‍ പശുക്കളുടെ ഗര്‍ഭപാത്രത്തിലയ്ക്ക് വിദേശകാളകളുടെ ബീജം നിറച്ചുകൊടുത്തു .... അങ്ങിനെ പശുക്കള്‍ക്ക് സെക്സ് എന്നത് , മൃഗഡോക്ടറുടെ കൈ എന്നതാക്കി മാറ്റി .ഗ്രാമങ്ങളിലെ ആര്‍ത്തിമൂത്ത നവീന ക്ഷീരകര്‍ഷകര്‍കൂടി ഒത്തുപിടിച്ചതോടെ ശാസ്ത്രജ്ഞന്‍മാരുടെ തൊപ്പിയില്‍ പൊന്‍തൂവല്‍ ചാര്‍ത്തപ്പെട്ടു.
എന്നാല്‍ മടിയന്‍മാരും കള്ളപ്പണിക്കാരും എല്ലായിടങ്ങളിലും ഉള്ളതിനാല്‍ , ഒറ്റപ്പെട്ട മലയോരങ്ങളിലും ഉള്‍പ്രദേശങ്ങളിലും ഉള്ള കുറച്ച് നാടത്തിക്കുട്ടികള്‍ രക്ഷപ്പെട്ടു .... വിദേശ കാളയുടെ ബീജം കുപ്പിയിലാക്കി മലകയറിയും നീണ്ടനാട്ടുവഴികള്‍ താണ്ടിയും സഞ്ചരിയ്ക്കണമെന്നതിനാല്‍ ധവളവിപ്ലവക്കാരുടെ കൂലിത്തൊഴിലാളികള്‍ മടിപിടിച്ചിരുന്നു . അവര്‍ കള്ളക്കണക്കെഴുതി മേലാവിലേയ്ക്ക് കൊടുത്തു തൃപ്തിയടഞ്ഞു .തന്‍മൂലം നമ്മുടെ ഒറ്റപ്പെട്ട ചില ഗ്രാമങ്ങളില്‍ പാലക്കാട്നാടന്‍ , കാസര്‍കോട്നാടന്‍ , വെച്ചൂര്‍ , ഹില്‍ഡ്വാര്‍ഫ് ഇനങ്ങള്‍ എന്നിവ അവശേഷിച്ചു .
അടുത്തിടെ കേരളത്തിലെ ഒരു വനമേഖലയില്‍ ചെന്നപ്പോള്‍ അവിടെ ഗ്രാമീണര്‍ വളര്‍ത്തുന്ന നാടന്‍ പശുക്കളേയും മൂരികളേയും കാണാന്‍ ഇടയായി . മൂക്കകയറില്ല , കഴുത്തില്‍ കയറോ മറ്റു ബന്ധനങ്ങളോ ഇല്ല .... അവ സ്വതന്ത്രമായി മേഞ്ഞുനടക്കുന്നു .... വൈകുന്നേരം തൊഴുത്തുകളിലേയ്ക്ക് മടങ്ങിപ്പോകുന്നു....
ഈ നല്ല കാഴ്ച തിരിച്ചുപിടിയ്ക്കാനാവുമോ.....